ابرار اور شاہین دونوں سڈنی ٹیسٹ میں پاکستان کی جیت کے لئے کلیدی کردار ادا کرسکتے تھے، ہرشا بھوگلے
٠٢ جنوری ٢٠٢٤
معروف بھارتی کمنٹیٹر ہرشا بھوگلے نے سڈنی ٹیسٹ میچ میں شاہین آفریدی کی عدم موجودگی پر حیرانی کا اظہار کردیا۔
سماجی رابطے کی ویب سائٹ ٹوئٹر (ایکس) پر ٹوئٹ کرتے ہوئے بھارتی کمنٹیٹر ہرشا بھوگلے نے کہا کہ دورہ آسٹریلیا نے فاسٹ بولر شاہین شاہ آفریدی کی فارم اور فٹنس کو بےنقاب کردیا ہے، انکی سوئنگ بولنگ اور رفتار میں نمایاں کمی ہوئی ہے۔
انہوں نے کہا کہ شاہین آفریدی کی سڈنی ٹیسٹ میں عدم موجودگی کے بعد اوپنر صائم ایوب کی شکل میں نیا باب کھل گیا ہے، نئے ٹیلنٹ کے آنے سے پاکستانی ٹیم میں نیا جذبہ بیدار ہوگا۔
ہرشا بھوگلے نے کہا کہ شاہین آفریدی اور ابرار احمد دونوں پاکستان کی کامیابی کے لئے سڈنی ٹیسٹ میں کلیدی کردار ادا کرسکتے تھے تاہم میں صائم ایوب کو بیٹنگ کرتے ہوئے دیکھنے کے لئے بیتاب ہوں۔
انہوں نے مزید کہا کہ شاہین کی عدم موجودگی نوجوان بولرز کے لئے امتحان ہوگی، وقت بتائے گا کہ کیا سڈنی کے گرائونڈ میں پاکستان کی واپسی ہوسکے گی یا نہیں۔
.jpg)
