زمبابوے کے کرکٹر سکندر رضا کا کہنا ہےکہ ہم پاکستان کے خلاف میچ کے لیے تیار ہیں، کوشش ہوگی کہ پاکستان سے میچ جیتیں اور آگے جائیں۔
٢٧ اکتوبر ٢٠٢٢
مقامی نیوز چینل کو انٹرویو دیتے ہوئے سکندر رضا کا کہنا تھا کہ ماضی میں بھی ہمارے اور پاکستان کے درمیان اچھے میچز ہوئے ہیں، ہم واش آؤٹ کے بعد پوائنٹس ٹیبل پر آچکے ہیں۔
سکندر رضا کا کہنا تھا کہ پاکستان کا اٹیک ٹورنامنٹ کا بہترین بالنگ اٹیک ہے،بھارت، انگلینڈ اور آسٹریلیا بھی اچھے ہیں مگر پاکستان کے پیسرز ٹاپ پر ہیں، پاکستان کے بولرز اور بیٹرز دونوں ہی زبردست ہیں، رضوان اور بابر اعظم کی جوڑی ٹاپ کی ہے، پاکستانی بیٹرز کوئی بھی ہدف حاصل کرسکتے اور بولرز اسکور کا دفاع کرسکتے ہیں۔
ان کا کہنا تھا کہ زمبابوے کو کم میچز لائٹس میں ملتے ہیں اس لیے ایڈجسٹ ہونا چیلنج ہوتا ہے، جس طرح ہماری ٹیم نے یہاں کھیلا اور پرفارم کیا اس پر مجھے فخر ہے، میں یہ کہنے کا عادی نہیں کہ یہ کردوں گا، یا ویسا کردوں گا، میرے ہاتھ میں کوشش کرنا ہے، وہ میں ہمشہ کرتا ہوں، اگر اسکور ہوجائے تو شکر ہے، نہ ہو تو بھی اللہ تعالیٰ کا شکر ادا کرتا ہوں۔
.jpg)
