ورلڈکپ: جنوبی افریقہ نے نیوزی لینڈ کو190 رنز سے شکست دے دی

بھارت میں جاری دنیائے کرکٹ کے سب سے بڑے ایونٹ ورلڈ کپ 2023 میں جنوبی افریقہ نے جیت کا تسلسل برقرا رکھتے ہوئے نیوزی لینڈ کو 190 رنز سے شکست دے دی۔ 
پونے میں کھیلے گئے میگا ایونٹ کے 32 ویں میچ میں نیوزی لینڈ کی ٹیم 358 رنز کے تعاقب میں 36.3 اوورز میں 167 رنز پر ڈھیر ہوگئی۔کیویز کی جانب سے گلین فلپس 60 رنز بنا کر آؤٹ ہوئے جبکہ اوپننگ بیٹر ڈیون کانوے 2، ول ینگ 33، رچن روندرا 9، کپتان ٹام لیتھم 4، ڈیرل مچل 24، مچل سینٹنر 7، ٹم ساؤتھی 7، جیمز نیشم 0 اور ٹرینٹ بولٹ 9 رن بنا کر آؤٹ ہوئے۔  
جنوبی افریقہ کی جانب سے کیشو مہاراج نے 4، مارکو جینسن نے 3، جیرالڈ کوٹزے نے 2 جبکہ کیگیسو رباڈا نے 1 وکٹ حاصل کی۔ 
اس سے قبل جنوبی افریقہ نے 50 اوورز میں 4 وکٹوں کے نقصان پر 357 رنز اسکور کیے۔ 
اوپنرز ٹیم کو اچھا اسکور دینے میں ناکام رہے، کپتان ٹمبا باؤما 24 رنز بناکر آؤٹ ہوئے جبکہ کوئنٹن ڈی کوک اور راسی وین ڈیر ڈوسن کے درمیان 200 رنز کی پارٹنرشپ قائم ہوئی، ڈی کوک نے 3 چھکوں اور 10 چوکوں کی مدد سے 114 رنز کی دھواں دھار اننگز کھیلی۔ وین ڈیر ڈوسن 5 چھکوں اور 9 چکوں کی مدد سے 133 رنز بنا کر آؤٹ ہوئے۔ کوئنٹن ڈیکوک نے اس ٹورنامنٹ کی اپنی چوتھی سنچری (116 گیندوں پر 114 رنز) بنائی، جبکہ راسی وَنڈر ڈوسین نے ٹورنامنٹ میں اپنی دوسری سنچری (118 گیندوں پر 133 رنز) مکمل کی۔ ڈیوڈ ملر 53 رنز بناسکے۔ ہینرک کلاسن 15 اور ایڈن مارکرم 6 رنز بنا کر ناقابلِ شکست رہے۔ 
نیوزی لینڈ کی جانب سے ٹم ساؤتھی نے 2 جبکہ ٹرینٹ بولٹ اور جیمز نیشم نے 1، 1 وکٹ حاصل کی۔ 
قبل ازیں نیوزی لینڈ کے کپتان ٹام لیتھم نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ آسٹریلیا کے خلاف میچ میں جیت سے چند قدم کے فاصلے پر رہے تاہم کوشش کریں گے اس میچ میں کامیابی سمیٹیں اور اپنی پوزیشن مستحکم کریں۔ 
اس موقع پر جنوبی افریقہ کے کپتان ٹمبا باؤما نے کہا کہ میچ میں کامیابی سمیٹ کر سیمی فائنل میں پہنچنے کی راہ ہموار کرنا چاہتے ہیں۔ 
جنوبی افریقہ نے تبریز شمسی کی جگہ کاگیسو ربادا جبکہ نیوزی لینڈ نے لوکی فرگوسن کی جگہ ٹم ساؤتھی کو پلئینگ الیون میں جگہ دی ہے۔

جنوبی افریقہ کا اسکواڈ:

کپتان، ٹمبا باؤما، ایڈن مارکرم، کوئنٹن ڈی کوک، راسی وین ڈیر ڈوسن، ہینرک کلاسن، ڈیوڈ ملر، مارکو جانسن، جیرالڈ کوٹزی، کیشو مہاراج، کاگیسو ربادا اور لنگی نگیڈی۔

نیوزی لینڈ کا اسکواڈ:

کپتان ٹام لیتھم، ڈیون کونوے، ول ینگ، راچن رویندرا، ڈیرل مچل، گلین فلپس، جیمز نیشم، مچل سینٹنر، میٹ ہنری، ٹم ساؤتھی، ٹرینٹ بولٹ۔