سری لنکا کے سابق کرکٹر ارجنا رانا ٹنگا نے بھارتی کرکٹ بورڈ (بی سی سی آئی) کے سیکریٹری جے شاہ پر الزامات کی بوچھاڑ کردی۔
١٤ نومبر ٢٠٢٣
سری لنکن کرکٹ کیمٹی کے سربراہ اور سابق کرکٹر ارجنا رانا ٹنگا نے بھارتی کرکٹ بورڈ (بی سی سی آئی) کے سیکریٹری جے شاہ پر الزامات کی بوچھاڑ کردی۔
سری لنکا کی کرکٹ ٹیم کے سابق کپتان اور عبوری کرکٹ کمیٹی کے سربراہ ارجنا راناٹنگا نے ورلڈ کپ میں سری لنکن کرکٹ ٹیم کی مایوس کن کارکردگی کا ذمہ دار بی سی سی آئی کے سیکریٹری جے شاہ کو قرار دیا۔
انہوں نے ایک بیان میں کہا کہ سری لنکن کرکٹ بورڈ کو جے شاہ چلا رہے ہیں، بی سی سی آئی کے سیکریٹری جے شاہ صرف اس لیے عہدے پر فائز ہیں کیونکہ ان کے والد امیت شاہ بھارت کے وزیر داخلہ ہیں۔ سری لنکا کی کرکٹ ان کے دباؤ کی وجہ سے تباہ ہوئی۔ بھارت کا ایک شخص سری لنکا کی کرکٹ کو چلا رہا ہے۔ رانا ٹنگا کا مزید کہنا تھا کہ جے شاہ کے سری لنکن کرکٹ کے چند حکام کے ساتھ رابطے ہیں جس کی وجہ سے وہ سری لنکا کی کرکٹ کو بھی اپنے کنٹرول میں رکھنا چاہتے ہیں۔
دوسری جانب انٹرنیشنل کرکٹ کونسل (آئی سی سی) نے سیاسی مداخلت کے باعث سری لنکن کرکٹ بورڈ کی رکنیت معطل کردی ہے۔
.jpg)
