news
English

پاکستان ٹیم ایک مشکل امتحان سے گزری، اسٹیفن فلیمنگ

انہوں نے کہا کہ پاکستان، بنگلہ دیش اور سری لنکا سمیت ایشیا ٹیمیں کیویز کے دیس میں ہمیشہ جدوجہد کرتی ہیں

پاکستان ٹیم ایک مشکل امتحان سے گزری، اسٹیفن فلیمنگ فوٹو: رائٹرز

نیوزی لینڈ کے سابق کپتان اسٹیفن فلیمنگ کا کہنا ہے کہ پاکستان ٹیم ایک مشکل امتحان سے گزری۔

پی سی بی پوڈکاسٹ میں گفتگو کرتے ہوئے انہوں نے کہا کہ پاکستان، بنگلہ دیش اور سری لنکا سمیت ایشیا ٹیمیں کیویز کے دیس میں ہمیشہ جدوجہد کرتی ہیں، اس بار کورونا کی وجہ سے حالات غیر معمولی تھے، چند نوجوان کرکٹرز نے اچھی کارکردگی دکھائی ہے، ان کو مواقع ملتے رہے تو آئندہ ٹورز میں بہتر کارکردگی دکھانے میں کامیاب ہوں گے۔

سابق کیوی بلے باز گرانٹ ایلئیٹ نے کہا کہ نیوزی لینڈ کے پاس کین ولیمسن، ٹام لیتھم، روس ٹیلر، ہینری نکولس سمیت ٹیسٹ کرکٹ کے تجربہ کار کھلاڑی موجود ہیں، شاہین شاہ آفریدی، نسیم شاہ اور فہیم اشرف کو ان کے خلاف بولنگ سے بہتر بولرز بننے کا موقع ملا ہوگا، ڈراپ کیچز نے پاکستان کو زیادہ نقصان پہنچایا۔

کریگ میکملن نے کہا کہ بابراعظم اور حسن علی کی کمی محسوس ہوئی، پاکستانی بیٹسمینوں کو باؤنس کھیلنے میں مشکلات کا سامنا رہا۔