انگلینڈ کے سابق فاسٹ بولر اسٹیورٹ براڈ نے شاہین آفریدی کی تعریفوں کے پُل باندھتے ہوئے انہیں اپنے پسندیدہ بولرز میں سے ایک قرار دے دیا۔
٠٨ اگست ٢٠٢٣
انگلینڈ کے سابق فاسٹ بولر اسٹیورٹ براڈ نے کہا ہے کہ شاہین آفریدی کی گیند کو سوئنگ کرنے کی صلاحیت کو سراہتا ہوں۔
اسٹیورٹ براڈ کا کہنا تھا کہ شاہین شاہ آفریدی میرے پسندیدہ بولرز میں سے ایک ہیں، جب وہ دوڑتے ہیں تو ان کی موجودگی کا احساس ہوتا ہے اور مجھے بولرز کو ان کے رن اپ کے لیے توانائی اور جذبے سے دوڑتے دیکھنا اچھا لگتا ہے۔
انہوں نے کہا کہ شاہین آفریدی کے پاس قدرتی مہارت ہے جس طرح سے وہ تیزگیند کوسوئنگ کرتے ہیں تو اسے دیکھ کر بہت خوشی ہوتی ہے۔
اپنی گفتگو کے دوران اسٹیورٹ براڈ نے شاہین آفریدی کے لیے نیک تمناؤں کا اظہار بھی کیا۔
واضح رہے کہ انگلینڈ کے مایہ ناز فاسٹ بولر اسٹیورٹ براڈ نے حال ہی میں انٹرنیشنل کرکٹ سے ریٹائرمنٹ کا اعلان کیا ہے۔
.jpg)
