انگلینڈ کے فاسٹ بولراسٹیورٹ براڈ کا کرکٹ سے ریٹائرمنٹ کا اعلان

اسٹیورٹ براڈ ٹیسٹ کرکٹ کی تاریخ میں پانچویں سب سے زیادہ وکٹیں لینے والے بولر بھی ہیں۔

انگلش ٹیم کے فاسٹ بولر اسٹیورٹ براڈ نے کرکٹ کے ہرطرح کے فارمیٹ سے ریٹائرمنٹ کا اعلان کردیا۔
کرکٹ کی مقبول ترین ویب سائٹ کرک انفو کے مطابق اسٹیورٹ براڈ نے ریٹائرمنٹ کا اعلان کرتے ہوئے کہا کہ ایشز سیریز کا پانچواں ٹیسٹ ان کے کیریئر کا آخری میچ ہوگا۔
اسٹیورٹ براڈ نے اوول میں کھیلے جا رہے ٹیسٹ کے دوسرے روز کھیل کے اختتام کے بعد کرکٹ سے ریٹائرمنٹ کا فیصلہ کیا۔
انہوں نے ٹیسٹ میچز میں اب تک 602 وکٹیں حاصل کر رکھی ہیں اور اپنا 167 واں ٹیسٹ میچ اس وقت آسٹریلیا کے خلاف کھیل رہے ہیں۔
اس کے علاوہ اسٹیورٹ براڈ 121 ون ڈے اور 56 ٹی20 میچز میں بھی انگلینڈ کی نمائندگی کرچکے ہیں جن میں انہوں نے بالترتیب 178 اور 65 وکٹیں حاصل کیں۔
اسٹیورٹ براڈ نے ٹیسٹ میچز میں سب سے زیادہ 169 رنز بھی بنا رکھے ہیں۔ وہ ٹیسٹ کرکٹ کی تاریخ میں پانچویں سب سے زیادہ وکٹیں لینے والے بولر بھی ہیں۔