ٹی20 سیریز: بھارت نےپہلے میچ میں آسٹریلیا کو 2 وکٹوں سے ہرادیا

بھارت اور آسٹریلیا کے درمیان ٹی ٹوئنٹی سیریزکے پہلے میچ میں بلیوشرٹس کے نئے کپتان سوریا کماریادیو نے شاندار اننگزکھیلی جس کی بدولت بھارت نے آسٹریلیا کو شکست دے دی۔ 
بھارتی ٹی ٹوئنٹی ٹیم کے نئے کپتان سوریا کماریادیو کی 80 رنز کی شاندار اننگز کی مدد سے بھارت نے پہلے ٹی ٹوئنٹی مقابلے میں آسٹریلیا کو دو وکٹوں سے شکست سے دوچارکیا۔ 
وشاکھاپٹنم میں بھارت اور آسٹریلیا کے درمیان ٹی ٹوئنٹی سیریز کا پہلا میچ کھیلا گیا، جہاں بھارت نے ٹاس جیت کر آسٹریلیا کو بیٹنگ کی دعوت دی۔ آسٹریلیا کی جانب سے جوش انگلس نے 50 گیندوں پر 110 رنز کی شاندار سنچری اسکور کی جبکہ اسٹیو اسمتھ نے 41 گیندوں پر 52 رنز کی اننگز کھیلی، آسٹریلیا نے پہلے ٹی ٹوئنٹی میچ میں بھارت کو جیت کے لیے 209 رنز کا ہدف دیا جس کے تعاقب میں بھارت کی پہلی اوور میں ہی وکٹ گرگئی جب اوپنر رتوراج گائیکواڑ صفر پر وکٹ گنوا بیٹھے،  اس کے بعد ایشان کشن اور سوریا کمار یادو نے 112 رنز کی شراکت قائم کی۔ 
ایشان کشن نے 39 گیندوں پر 58 رنز کی اننگز کھیلی جبکہ کپتان سوریا کمار یادو نے 42 گیندوں پر 80 رنز کی شاندار اننگز کھیلی، انہوں نے اپنی اننگز میں نو چوکے اور چار چھکے لگائے جبکہ رنکو سنگھ نے 22 رنز کی اہم اننگز کھیلی۔ 
سوریا کماریادیو کی 80 رنز کی دھماکہ خیز اننگز اور ایشان کشن 58 رنز کی نصف سنچری کی مدد سے بھارت نے سنسنی خیز مقابلے میں آسٹریلیا کو دو وکٹوں سے شکست دیتے ہوئے ورلڈ کپ فائنل میں ملنے والی شکست کا بدلہ لے لیا۔ بھارت ٹیم 209 رنز کے ہدف کا تعاقب کرنے میدان میں اتری تو سوریہ کمار کی ٹیم کا آغاز قدرے خراب رہا اور پہلے اوور میں ہی اس نے اوپنر رتوراج گائیکواڑ کی وکٹ گنوا دی۔ اس کے بعد تیسرے اوور میں یشسوی جیسوال 21 رنز پر کیچ آؤٹ ہوکر پویلین لوٹ گئے۔
ایشان کشن اور سوریا کمار یادیو نے تیسری وکٹ کے لیے 112 رنز کی شراکت قائم کی اورٹیم کو سنبھالتے ہوئے جیت کی طرف گامزن کیا۔ 
ایشان کشن نے 39 گیندوں پر 58 رنز کی اننگز کھیلی۔ انہیں سانگھا نے شارٹ کے ہاتھوں کیچ آؤٹ کرایا۔ انہوں نے اپنی اننگز میں پانچ چھکے اور دو چوکے لگائے، وہیں کپتان سوریا کمار یادیو نے 42 گیندوں پر 80 رنز کی شاندار اننگز کھیلی۔ انہیں بہرنڈورف نے ہارڈی کے ہاتھوں کیچ آؤٹ کرایا۔ انہوں نے اپنی اننگز میں نو چوکے اور چار چھکے لگائے۔ تلک ورما 12 رنز بنانے کے بعد سانگھا کا شکار بنے۔ اکشر پٹیل دو رنز بنانے کے بعد آؤٹ ہوئے۔ وہیں روی بشنوئی صفر پر رن ​​آؤٹ ہوگئے۔ اس کے بعد ہی آخری اوور میں ارشدیپ سنگھ صفر پر رن ​​آؤٹ ہو گئے جبکہ رنکو سنگھ نے 22 رنز کی اہم اننگز کھیلی۔ 
آسٹریلیا کی جانب سے تنویر سانگھا نے دو بلے بازوں کو آؤٹ کیا۔ جبکہ جیسن بہرنڈورف، میتھیو شارٹ اور شان ایبٹ نے ایک ایک وکٹ لی۔ اس سے قبل جوش انگلس کی 50 گیندوں پر 110 رنز کی شاندار سنچری اور اسٹیو اسمتھ کی 41 گیندوں پر 52 رنز کی نصف سنچری کی بدولت آسٹریلیا نے جمعرات کو پہلے ٹی ٹوئنٹی میچ میں ہندوستان کو جیت کے لیے 209 رنز کا ہدف دیا۔ 
ٹاس جیتنے کے بعد بھارت نے آسٹریلیا کو بیٹنگ کی دعوت دی۔ پہلے بلے بازی کرتے ہوئے آسٹریلیا کے اسٹیو اسمتھ اور میتھیو شارٹ کی اوپننگ جوڑی نے پہلی وکٹ کے لیے 31 رنز کی شراکت قائم کی۔ پانچویں اوور میں بشنوئی نے میتھیو شارٹ کو 13 رنز پر بولڈ کرکے پویلین بھیج دیا اور آسٹریلیا کو پہلا جھٹکا دیا۔ اس کے بعد بیٹنگ کرنے اترے جوش انگلیس نے اسمتھ کے ساتھ تابڑ توڑ بلے بازی کرتے ہوئے 15 اوور تک ٹیم کے لئے 161 رنز بنا لئے۔ اسی اوور میں پی کرشنا اورمکیش کمار نے اسمتھ کو 52 رنز پر رن ​​آؤٹ کرکے اس جوڑی کوتوڑ دیا۔ اس کے بعد انگلس اسی انداز میں کھیلتے رہے اور انہوں نے 50 گیندوں پر 110 رنز کی اپنی زبردست اننگز میں 11 چوکے اور آٹھ چھکے لگائے۔ وہ 18ویں اوور کی دوسری گیند پر جیسوال کے ہاتھوں کیچ آؤٹ ہوئے۔ مارکس اسٹوئنس سات رنز اور ٹم ڈیوڈ 19 رن بنا کر ناٹ آؤٹ رہے۔ آسٹریلیا نے مقررہ 20 اوورز میں تین وکٹوں کے نقصان پر 208 رنز بنائے۔ ہندوستان کی جانب سے پرسدھ کرشنا اور روی بشنوئی کو ایک ایک وکٹ ملی۔