بھارت کے جارح مزاج بلےباز سوریا کمار یادیو نے قومی ٹیم کے وکٹ کیپر بیٹر محمد رضوان کے ریکارڈ پر نظریں جمالیں۔
١٨ نومبر ٢٠٢٢
بھارتی ٹیم ٹی20 ورلڈکپ میں انگلیںڈ کے ہاتھوں یک طرفہ مقابلے میں بدترین شکست کے بعد اب نیوزی لینڈ سے پنجہ آزمائی کرے گی، اس دوران بھارتی بیٹر سوریا کمار یادیو کے پاس موقع ہوگا کہ وہ محمد رضوان کا سب سے زیادہ رنز بنانے کا ریکارڈ توڑ سکیں۔
ایک سال میں ٹی20 فارمیٹ میں سب سے زیادہ رنز بنانے کا اعزاز محمد رضوان نے سال 2021 میں اپنے نام کیا تھا، انہوں نے ایک ہزار 326 رنز اسکور کیے تھے جبکہ بھارتی بیٹر ان سے محض 286 رنز کے فاصلے پر موجود ہیں، سوریا کمار نے 29 میچز میں ایک ہزار 40 رنز بنارکھے ہیں۔ سوریا کمار کو 360 ڈگری کا بلے باز کہا جاتا ہے یعنی ایسا بلے باز جو میدان کے کسی بھی کونے میں شاٹس کھیل سکتا ہے اور اسی صلاحیت کی وجہ سے اُن کا موازنہ اے بی ڈی ویلیئرز سے کیا جاتا ہے۔
دوسری جانب پاکستانی وکٹ کیپر بلے باز محمد رضوان نے سال 2021 میں 9 نصف سینچریاں اور ایک سینچری بنائی تھی۔
.jpg)
