میلبرن: آئرلینڈ اور افغانستان کے درمیان کھیلا جانے والا ٹی20 ورلڈکپ کے سپر 12 مرحلے کا اہم میچ بارش کی نذر ہوگیا۔
٢٨ اکتوبر ٢٠٢٢
شدید بارش کے باعث میلبرن کرکٹ گراؤنڈ میں شیڈول دونوں ٹیموں کے درمیان اہم میچ کا ٹاس بھی نہ ہوسکا جبکہ مسلسل بارش کی وجہ سے امپائرز نے میچ ختم کرنے کا اعلان کیا۔
آئرلینڈ اور افغانستان کے مابین میچ نہ ہونے کے باعث دونوں ٹیموں کو ایک ایک پوائٹ دے دیا گیا ہے، جس کے ساتھ گروپ اے کی صورتحال خاصی دلچسپ ہوگئی ہے۔
گروپ اے میں نیوزی لینڈ اور آئرلینڈ 3، 3 پوائنٹس کے ساتھ بالترتیب پہلی اور دوسری پوزیشن پر ہیں جبکہ سری لنکا، انگلینڈ، آسٹریلیا اور افغانستان 2،2 پوائںٹس کے ساتھ تیسرے، چوتھے، پانچویں اور چھٹے نمبر پر موجود ہیں۔
واضح رہے کہ اس سے قبل افغانستان کا نیوزی لینڈ کے خلاف میچ بھی بارش کے باعث بغیر کسی نتیجے کے ختم ہو گیا تھا اور افغان ٹیم کو ایک پوائنٹ ملا تھا جبکہ افغانستان کو پہلے میچ میں انگلینڈ نے 5 وکٹوں سے شکست دی تھی۔
دوسری جانب آئر لینڈ کی ٹیم کو پہلے میچ میں سری لنکا نے شکست دی تھی جبکہ دوسرے میچ میں آئرلینڈ نے ڈک ورتھ لوئس سسٹم کے تحت انگلینڈ کو 5 رنز سے شکست دی تھی۔
.jpg)
