لاہور: آسٹریلیا میں اگلے برس ہونے والے ٹی ٹوئنٹی ورلڈ کپ کے 7 میزبان شہروں کا اعلان کردیا گیا۔
١٦ نومبر ٢٠٢١
آئی سی سی کے جاری کردہ اعلامیے کے مطابق اگلے سال کا ٹی ٹوئنٹی ورلڈ کپ 16 اکتوبر سے 13 نومبر 2022 تک ہوگا، میچز کی میزبانی کے لیے آسٹریلیا کے شہر ایڈیلیڈ، برسبین، ہوبارٹ، پرتھ، سڈنی اور میلبورن کا انتخاب کیا گیا ہے۔ سیمی فائنلز 9 اور 10 نومبر کو بالترتیب سڈنی اور ایڈیلیڈ میں کھیلے جائیں گے، فائنل میلبورن میں تیرہ نومبر کو ہوگا۔
ٹی ٹونٹی چیمپئین آسٹریلیا، نیوزی لینڈ، پاکستان، افغانستان اور بنگلا دیش کی ٹیمیں سپر 12 مرحلے میں کوالیفائی کرچکی ہیں، انگلینڈ، انڈیا اور جنوبی افریقا کی ٹیمیں بھی براہ راست سپر 12 مرحلہ کھیلیں گی تاہم نمیبیا، اسکاٹ لینڈ، سری لنکا اور ویسٹ انڈیز کی ٹیمیں راؤنڈ ون میں کھیلیں گی۔
آسٹریلیا میں ہونے والے ورلڈ کپ کے لیے بقیہ چار ٹیمیں دو کوالیفائنگ ٹورنامنٹس سے آئیں گی۔ ایک کوالیفائنگ ٹورنامنٹ فروری میں عمان میں ہوگا جبکہ دوسرا کوالیفائنگ ٹورنامنٹ جون جولائی میں زمبابوے میں کھیلا جائے گا۔
.jpg)
