سری لنکا کی باؤلنگ کے بارے میں پرامید ہونے کے باوجود،آکاش چوپڑا نے ان کی بیٹنگ لائن اپ کے بارے میں تحفظات کا اظہار کیا۔
ٹی 20 ورلڈ کپ 2024 کے لیے آکاش چوپڑا نے سری لنکا کی مضبوط باؤلنگ لائن اپ کی تعریف کرتے ہوئے کہا ہے کہ آئی لینڈٖرز کسی بھی ٹیم کو ٹف ٹائم دے سکتے ہیں۔ تاہم انہوں نے سری لنکا کی بیٹنگ لائن اپ کے بارے میں تحفظات کا اظہاربھی کیا۔
آکاش چوپڑا نے اپنے یوٹیوب چینل پر اظہارِخیال کرتے ہوئے سری لنکا کے باؤلنگ اٹیک میں گہرائی اور ٹیلنٹ کو اجاگر کیا۔ انہوں نے سری لنکن ٹیم کی باؤلنگ لائن اپ کوشاندار قرار دیتے ہوئے کہا کہ وینندو ہسرنگا، مہیش تھیکشنا اور متھیشا پاتھیرانا کی بولنگ کسی بھی ٹیم کو ٹف ٹائم دینے کی صلاحیت رکھتی ہے جبکہ انہوں نے اینجلو میتھیوز، دشمنتھا چمیرا، دلشان مدوشنکا اور نووان تھشارا کے متاثر کن کردار کو بھی تسلیم کیا۔
آکاش چوپڑا نے کہا کہ "سری لنکا کی ٹیم بہت قابل ہے۔ ان کا باؤلنگ اٹیک شاندار ہے، وینندو ہسرنگا، مہیش تھیکشانا اور متھیشا پاتھیرانا زبردست فارم میں ہیں۔ پھر اینجلو میتھیوز اچھی بولنگ کر رہے ہیں اور ان کے پاس دشمنتھا چمیرا، دلشان مدوشنکا اور نووان تھشارا جیسے ہتھیار بھی ہیں۔"
واضح رہے کہ یہ ٹورنامنٹ تین سال کے وقفے کے بعد اینجلو میتھیوزکی ٹی 20 بین الاقوامی میچوں میں واپسی کی نشاندہی کرتا ہے۔ تجربہ کار آل راؤنڈر، جنہوں نے سری لنکا کی 2014 کی ٹی20 ورلڈ کپ کی فاتح مہم میں اہم کردار ادا کیا، توقع کی جاتی ہے کہ وہ ٹیم میں تجربہ اور استحکام لائیں گے۔
سری لنکا کی باؤلنگ کے بارے میں پرامید ہونے کے باوجود، ٓکاش چوپڑا نے ان کی بیٹنگ لائن اپ کے بارے میں تحفظات کا اظہار کیا۔ جب کہ اسکواڈ میں سابق ٹی20 کپتان داسن شناکا اور موجودہ ون ڈے کپتان کوسل مینڈس جیسے تجربہ کار کھلاڑی شامل ہیں، چوپڑا ان کی مستقل مزاجی کے بارے میں غیر یقینی کاشکارہیں۔ ان کا کہنا ہے کہ "انہیں بیٹنگ میں معمولی پریشانی ہو سکتی ہے - کوشل مینڈس، پاتھم نسانکا اور چارتھ اسالنکا، وہ کیسے کھیلیں گے؟ پھر دھننجایا ڈی سلوا، وہ دوبارہ اینجلو میتھیوز اور داسن شاناکا سے بیٹنگ کی توقع کریں گے۔ ان کی بیٹنگ 50-50 لگ رہی ہے لیکن ان کی باؤلنگ مجھے اچھی لگ رہی ہے۔‘‘
یہ بات قابل غور ہے کہ ایک متعلقہ پیش رفت میں، یہ نوٹ کیا گیا تھا کہ ناساؤ کاؤنٹی انٹرنیشنل کرکٹ اسٹیڈیم، جس نے بھارت اور بنگلہ دیش کے درمیان وارم اپ میچ کی میزبانی کی تھی، نے کچھ خدشات پیش کیے تھے۔ ہندوستانی ہیڈ کوچ نے گراؤنڈ کی ریتلی نوعیت کا ذکر کیا، جس سے کھلاڑیوں کے لیے ممکنہ انجریز کے خطرات بڑھ گئے ہیں۔