بھارتی اسٹاربیٹر ویرات کوہلی نے میچ کے ارد گرد ہونے والی ہائپ کے بجائے موجودہ لمحے پر توجہ مرکوز کرنے پر زور دیا۔
٢٠ مئی ٢٠٢٤
ٹی 20 ورلڈ کپ 2024 کے حوالے سے ویرات کوہلی نے ہندوستان اور پاکستان کے میچ کے حوالے سے سنسنی خیزی کو مسترد کردیا۔ ویرات کوہلی نے حقیقت پسندی کا مظاہرہ کرتے ہوئے پاک بھارت ٹاکرے کی اہمیت بتادی۔ کہتے ہیں "کھیل کے ارد گرد اور باہر کا جنون میدان میں ہونے والے واقعات سے کہیں زیادہ ہے، میں صرف ایک گھنٹے کے بعد وہ کر سکتا ہوں جو مجھے کرنا ہے۔"
تفصیلات کے مطابق ہندوستان کے سٹار بلے باز اور سابق کپتان ویرات کوہلی نے آئندہ ٹی ٹونٹی ورلڈ کپ 2024 کے دوران روایتی حریف پاکستان کے خلاف ٹکراؤ کے بارے میں اپنے خیالات کا اظہار کیا۔ پاکستان کا مقابلہ 9 جون کو نیو یارک کے ناساؤ کاؤنٹی انٹرنیشنل کرکٹ اسٹیڈیم میں بھارت سے ہوگا۔ ویرات کوہلی نے جی او سنیما پر اپنے خیالات کاا ظہار کرتے ہوئے کہا کہ "کھیل کے ارد گرد اور باہر کا جنون میدان میں ہونے والے واقعات سے کہیں زیادہ ہے۔ ایک فطری شخص ہمیشہ مستقبل کے بارے میں سوچتا ہے۔ اس لیے 9 جون کو بھول جائیں، میں صرف ایک گھنٹے کے بعد وہ کر سکتا ہوں جو مجھے کرنا ہے"۔
ویرات کوہلی کا کہنا تھا کہ وہ میگا ایونٹ میں اچھی کارکردگی کو لے کر پرجوش ہیں۔ انہوں نے کہا کہ "میں کہہ سکتا ہوں کہ مجھے ہمیشہ کی طرح کرکٹ کی بھوک لگی ہے۔ ایک بار جب آپ کو کھیل کی بھوک نہ لگے تو آپ مجھے کسی ٹورنامنٹ میں نہیں دیکھ پائیں گے کیونکہ اگر میرے پاس یہ ذہنیت نہیں ہے تو میں نہیں کھیل سکتا۔ ایسے ٹورنامنٹس میں ایک توانائی ہوتی ہے ، ٹیم کے اندر اچھا ماحول ہے یہ ایک خوبصورت سفر ہے جس میں ہم نے واقعی ورلڈ کپ کا لطف اٹھایا تھا۔،،
بھارتی ٹیم کے 35 سالہ اسٹارکرکٹر گزشتہ دہائی میں ہندوستان کے بہترین کھلاڑی رہے ہیں۔ 2008ء میں دمبولا میں سری لنکا کے خلاف ایک ون ڈے میچ سے بین الاقوامی کرکٹ میں ڈیبیو کرنے کے بعد کوہلی نے 113 ٹیسٹ، 292 ون ڈے اور 117 ٹی ٹونٹی کھیل چکے ہیں۔ دائیں ہاتھ کے کھلاڑی نے کرکٹ کے تینوں فارمیٹس میں 26,733 بین الاقوامی رنز بنارکھے ہیں جس میں 80 سنچریاں شامل ہیں۔ ان کی سنچریوں کی تعداد لیجنڈری بلے باز سچن ٹنڈولکر سے کم ہے جو سب سے زیادہ 100 انٹرنیشنل سینچریز بنانے کا ریکارڈ رکھتے ہیں۔
ویرات کوہلی اس وقت بھارت میں جاری آئی پی ایل میں بھی زبردست فارم میں ہیں کیونکہ وہ 13 اننگز میں 66.10 کی اوسط سے 661 رنز بنا کر سب سے زیادہ رنز بنانے والے کھلاڑی ہیں۔
دوسری جانب بھارتی ٹیم اپنی ورلڈ کپ مہم کا آغاز 5 جون کو آئرلینڈ کے خلاف ناساؤ کاؤنٹی انٹرنیشنل کرکٹ اسٹیڈیم، نیویارک میں کرے گی اور اس کے بعد اسی مقام پر 9 جون کو روایتی حریف پاکستان کے خلاف میچ میں نظر آئے گی۔ اس کے بعد بھارت بالترتیب 12 اور 15 جون کو امریکہ اور کینیڈا کے خلاف میدان میں اترے گا۔
