برسبین: ٹی ٹوئنٹی ورلڈ کپ کے سپر 12 مرحلے میں میزبان آسٹریلیا نے آئرلینڈ کو 42 رنز سے شکست دے دی۔
٣١ اکتوبر ٢٠٢٢
برسبین میں کھیلے گئے میچ میں 180 رنز کے ہدف کے تعاقب میں آئرلینڈ کی پانچ وکٹیں 25 رنز کے مجموعی اسکور پر گر گئیں تھیں جس کے بعد لورکین ٹکر نے ٹیم کو سنبھالنے کی کوشش کی تاہم ایک طرف سے وکٹیں گرنے کا سلسلہ جاری رہا۔ پوری ٹیم 18.1 اوور میں 137 رنز بنا کر آؤٹ ہوگئی۔
آئرش بلے باز لورکین ٹکر 71 رنز بنا کر ناٹ آؤٹ رہے۔
برسبین میں کھیلے گئے اس دلچسپ میچ میں آئرلینڈ نے ٹاس جیت کر آسٹریلیا کو بیٹنگ کی دعوت دی۔ آسٹریلوی ٹیم نے پانچ وکٹوں کے نقصان پر 179 رنز بنائے، کپتان ایرون فنچ نے 63 رنز کی زبردست اننگز کھیلی۔
اوپنر ڈیوڈ وارنر تین رنز بنا کر پویلین لوٹ گئے جبکہ مچل مارش 28، گلین میکسویل 13 اور مارکس اسٹونس 35 رنز بنا کر آؤٹ ہوئے۔
آئرلینڈ کے شکست دینے کے بعد گروپ 1 کے پوائنٹس ٹیبل پر آسٹریلیا دوسرے نمبر پر آگیا جبکہ آئر لینڈ کی ٹیم تیسرے نمبر پر چلی گئی، نیوزی لینڈ کی ٹیم پہلے اور انگلینڈ تیسرے نمبر پر موجود ہے۔
.jpg)
