برسبین: جوز بتلر نے سابق انگلش کپتان آئن مورگن کا ٹی20 انٹرنیشنلز میں انگلینڈ کے لیے سب سے زیادہ رنز بنانے کا ریکارڈ اپنے نام کرلیا۔
٠٢ نومبر ٢٠٢٢
برسبین میں نیوزی لینڈ کے خلاف کھیلے گئے میچ میں انگلش ٹیم کے کپتان جوز بٹلر نے کیوی بالرز کو آڑے ہاتھوں لیتے ہوئے 47 گیندوں پر 7 چوکوں اور 2 چھکوں کی مدد سے 73 رنز اسکور کیے، جس کے باعث انہوں نے آئن مورگن کا انگلینڈ کے لیے سب سے زیادہ ٹی20 انٹرنیشنلز میں رنز بنانے کا اعزاز اپنے نام کیا۔
جوز بٹلر نے اب تک 92 اننگز میں 2 ہزار 459 رنز بنائے ہیں جبکہ اس سے قبل آئن مورگن نے 107 اننگز میں 2 ہزار 458 رنز بنا رکھے تھے۔
اس فہرست میں ایلکس ہیلز 72 اننگز میں 1 ہزار 888 رنز کے ساتھ تیسرے، ڈیوڈ ملان 53 اننگز میں 1 ہزار 745 رنز کے ہمراہ چوتھے جبکہ جیسن رائے 64 اننگز میں 1 ہزار 522 رنز کے ساتھ پانچویں پوزیشن پر قابض ہیں۔
برسبین میں کھیلے گئے اس اہم میچ میں انگلینڈ نے نیوزی لینڈ کو 20 رنز سے شکست دے دی جس کے بعد انگلینڈ کے سیمی فائنل میں جانے کے امکانات روشن ہوگئے ہیں۔
.jpg)
