پرتھ: ٹی20 ورلڈکپ کے سپر 12 مرحلے کے اہم مچ سے قبل آسٹریلوی ٹیم کے اسپنر کورونا وائرس کا شکار ہوگئے۔
٢٥ اکتوبر ٢٠٢٢
آسٹریلوی میڈیا رپورٹس کے مطابق اسپنر ایڈم زمپا کا کورونا وائرس ٹیسٹ پازیٹیو آیا ہے تاہم انہیں معمولی علامات ہیں مگر ٹیم منجمنٹ کا اسرار ہے کہ وہ سری لنکا کے خلاف میچ کیلئے دستیاب ہوں گے۔
ایڈم زمپا کو اگر منتخب کیا جاتا ہے تو آئی سی سی کے کووڈ پروٹوکولز کے مطابق انہیں علیحدہ سفر کرنا پڑے گا جبکہ اسپنر کو دیگر کھلاڑیوں سے بھی دور رکھا جائے گا۔
دوسری جانب ٹی20 ورلڈکپ میں آسٹریلیا کو اپنی ساکھ بحال کرنے کے لئے سری لنکا کے خلاف میچ میں لازمی فتح درکار ہے، قبل ازیں کینگروز کو اپنے پہلے میچ میں نیوزی لینڈ کے ہاتھوں بدترین شکست کا سامنا کرنا پڑا تھا۔
آسٹریلیا کی ہار کے سبب نیوزی لینڈ کا رن ریٹ بہتر ہے جبکہ آسٹریلیا گروپ میں آخری پوزیشن پر چلا گیا ہے، سری لنکا کے خلاف آج ہونے والے میچ میں ہار کی صورت میں کینگروز کی اگلے مرحلے تک رسائی مشکل ہوجائے گی۔
.jpg)
