ایل پی ایل:بابراعظم کولمبو اسٹرائیکرز کی قیادت کیوں نہیں کررہے، واس نے بتادیا

سری لنکا کے سابق مایہ ناز فاسٹ بولر اورکولمبو اسٹرائیکرزکےبولنگ کوچ چمندا واس نے بابراعظم کو موجودہ دور کا نمبر ون بیٹر قرار دے دیا۔ 
چمنداواس کا خیال ہے کہ بابراعظم کی موجودگی اسکواڈ میں نوجوان کھلاڑیوں کے لیے سیکھنے کا بہترین موقع فراہم کرے گی، جو ایسے عالمی معیار کے ٹیلنٹ کا مشاہدہ کرنے اور ان کے ساتھ کھیلنے سے بہت فائدہ اٹھا سکتے ہیں۔ 
چمندا واس نے قومی ٹیم کے کپتان بابر اعظم کو دنیا کو نمبر ون بیٹر قرار دیتے ہوئے کہا کہ بابر اعظم کی لنکا پریمیئر لیگ میں شرکت سے نوجوان کھلاڑیوں کو بہت کچھ سیکھنے کا موقع ملے گا۔ 
سابق سری لنکن فاسٹ بولر اور بولنگ کوچ کولمبو اسٹرائیکرز چمندا واس نے بھارتی میڈیا کو انٹرویو دیتے ہوئے کہا کہ بابر اعظم نےکولمبو اسٹرائیکرز کی کپتانی سے معذرت کی اور کپتانی کے بجائے بطور بیٹر کھیلنے کو ترجیح دی۔
چمندا واس نے کہا کہ ہم سب جانتے ہیں کہ بابر اعظم اس وقت دنیا کے نمبر ون بیٹر ہیں، جس طرح بابر اعظم نے میچز جتوائے وہ قابل تعریف ہیں۔ 
بولنگ کوچ کولمبو اسٹرائیکرز نے کہا کہ بابر اعظم کے ٹیم میں ہونے سے نوجوان لڑکوں کو کرکٹ کی باریکیوں کے بارے میں بہت کچھ سیکھنے کا موقع ملےگا۔ 
خیال رہے کہ بابر اعظم نے گزشتہ روز 59 رنز کی اننگز کھیل کر کولمبو اسٹرائیکرز کو میچ جتوایا تھا۔ اس سے قبل کولمبو اسٹرائیکرز کے کپتان نروشان ڈکویلا نے بھی ڈریسنگ روم میں بابر اعظم کی تعریف کرتے ہوئے کہا تھا کہ وکٹ بیٹنگ کے لیے آسان نہیں تھی لیکن بابر اعظم نے ہمت نہیں ہاری اور آخر تک کھڑے رہے اور ٹیم کو ایک اچھا ٹوٹل فراہم کیا۔