ہوبارٹ: بھارت کے سابق کپتان ویرات کوہلی نے 4 ہزار ٹی20 انٹرنیشنل رنز کا سنگ میل بھی عبور کرلیا۔
١١ نومبر ٢٠٢٢
ورلڈکپ سیمی فائنل میں انگلینڈ سے کھیلتے ہوئے 50 رنز کی اننگز کے دوران وہ اس سنگ میل پر پہنچے، انھوں نے 115 میچز کی 107 اننگز میں 4008 رنز بنالیے ہیں۔
اس دوران کوہلی کا ایوریج 52.74 اور اسٹرائیک ریٹ 137.97 رہا، کوہلی نے اب تک اس فارمیٹ کے انٹرنیشنل مقابلوں میں ایک سینچری اور 37 ففٹیز بنائی ہیں، وہ ٹی 20 انٹرنیشنلز میں سب سے زیادہ رنز اسکور کرنے والے بیٹر ہیں، دوسرے نمبر پر روہت شرما 3853 رنز کے ساتھ موجود ہیں۔
مارٹن گپٹل 3531 رنز کے ساتھ تیسرے اور بابراعظم 3323 رنز کے ساتھ چوتھے نمبر پر براجمان ہیں۔ ویرات کوہلی نے ٹی 20 ورلڈ کپ سیمی فائنلز میں سب سے زیادہ ففٹیز کا ریکارڈ بھی کرس گیل سے چھین لیا، انگلینڈ سے میچ کی صورت میں انہوں نے اپنی تیسری سیمی فائنل ففٹی بنائی، ویسٹ انڈیز کے مایہ ناز بلے باز کرس گیل کو فائنل 4 میں 2 نصف سینچریاں بنانے کا اعزاز حاصل ہے۔
.jpg)
