کپتان اور کوچنگ اسٹاف کی تبدیلی کے بعد نوید اکرم چیمہ کو ٹیم مینجر بنائے جانے کا فیصلہ
١٦ نومبر ٢٠٢٣
نگراں وزیراعلیٰ پنجاب محسن نقوی نے سابق کرکٹر وہاب ریاض کو پاکستانی کرکٹ ٹیم کے چیف سلیکٹر کا عہدہ سنبھالنے کے لئے کلئیرنس دے دی۔
میڈیا رپورٹس کے مطابق وہاب ریاض چیف سلیکٹر کا عہدہ سنبھالنے کے بعد بھی نگراں کابینہ کاحصہ رہیں گے، پاکستان کرکٹ بورڈ جلد سابق کرکتر کو چیف سلیکٹر بنانے کا کانٹریکٹ بجھوائے گا۔
دوسری جانب پاکستان کرکٹ بورڈ (پی سی بی) نے کپتان اور کوچنگ اسٹاف کے ساتھ نئے ٹیم مینجر کے تقرر کا بھی فیصلہ کیا ہے، ریحان الحق کی جگہ سابق ٹیم مینجر نوید اکرم چیمہ کو پاکستانی ٹیم کے ساتھ آسٹریلیا بھیجا جائے گا۔
نجم سیٹھی کے دور میں مکی آرتھر نے جب ٹیم ڈائریکٹر کی ذمہ داریاں سنبھالی تھیں تو اس وقت ریحان الحق کو مینجر کی ذمہ داریاں سونپی گئی تھیں جبکہ نوید اکرم چیمہ ماضی میں بھی ٹیم کے مینیجر رہ چکے ہیں، اس کے علاوہ ڈائیریکٹر کرکٹ محمد حفیظ نے کوچنگ اسٹاف کے لیے ملکی کرکٹرز سے رابطے شروع کردیئے ہیں۔
.jpg)
