پنجاب کے نگراں وزیر کھیل اور پشاور زلمی کے فاسٹ بولر وہاب ریاض نے صائم ایوب کو پاکستان کا مستقبل قرار دے دیا۔
٢١ فروری ٢٠٢٣
صوبائی نگراں وزیر کھیل وہاب ریاض کا کہنا ہے کہ صائم ایوب اس وقت پشاور زلمی کے لئے نچلے نمبرز پر بیٹنگ کررہے ہیں اور ان کی تکنیک نہایت شاندار ہے، وہ مستقبل میں پاکستان کی نمائندگی کرسکتے ہیں۔
انہوں نے کہا کہ صائم ایوب کے بارے میں بہت کچھ سنا تھا لیکن جس طرح سے وہ ملتان سلطانز کے خلاف کھیل رہے تھے میں سمجھتا ہوں کہ پاکستان کی نمائندگی کرسکتے ہیں لیکن انہیں اس کے لیے سخت محنت کرنا ہوگی۔
وہاب ریاض نے پشاور زلمی اور کوئٹہ گلیڈی ایٹرز کے درمیان نمائشی میچ میں ایک اوور میں چھ چھکوں کا کریڈٹ افتخار احمد کو دیتے ہوئے کہا کہ وہ اچھی فارم میں ہیں اور مسلسل رنز اسکور کررہے ہیں۔
بابراعظم کی قیادت کے حوالے سے بات کرتے ہوئے وہاب ریاض نے کہا کہ پاکستانی ٹیم کے کپتان فرنچائز کی کپتانی کرتے ہیں تو آپ کو یہ توقع کرنی چاہیے، ان کی کپتانی کی وجہ سے باؤلنگ کے بارے میں سوچنے اور اسے بہتر کرنے پر دھیان دے رہا ہوں۔
.jpg)
