بارشوں کی وجہ سے اتوار کا میچ اب پیر کو کھیلا جائے گا
٢٧ ستمبر ٢٠١٩
PHOTO: AFP
بارش کے باعث پہلا ون ڈے منسوخ ہونے کے بعد پاکستان اور سری لنکا کے درمیان دوسرے ایک روزہ میچ کا شیڈول تبدیل کردیا گیا۔
پاکستان کرکٹ بورڈ اور سری لنکن بورڈ نے باہمی مشاورت کے بعد مزید بارش کی پیش گوئی کو مدنظر رکھتے ہوئے دوسرے ون ڈے کی تاریخ تبدیل کردی، دوسرا ون ڈے اب اتور کی بجائے 30 ستمبر بروز پیر کو ہوگا۔
پی سی بی کا کہنا ہے کہ مزید بارشوں کے امکان اور گراونڈ کی صورتحال کی وجہ سے یہ فیصلہ کیا گیا، پی سی بی کا کہنا ہے کہ جمعہ کے میچ کی ٹکٹ آئندہ میچز کے لیے کار آمد ہوں گی ۔
واضح رہے کہ پاکستان اور سری لنکا کے درمیان ون ڈے سیریز کا پہلا میچ آج نیشنل اسٹیڈیم کراچی میں کھیلا جانا تھا، میچ کا ٹاس ڈھائی بجے ہونا تھا جو شہر میں بارش کے باعث تاخیر کا شکار ہوا اور بعد ازاں گراؤنڈ میں پانی بہت زیادہ جمع ہونے کی وجہ سے پہلا ایک روزہ میچ منسوخ کردیا گیا ہے۔
.jpg)
