news
English

وسیم اکرم نے اپنا میلبورن کا گھر فروخت کے لیے پیش کردیا

یہ خوبصورت اور پُرآسائش گھر 9 برس سے وسیم اکرم اور ان کی اہلیہ شنیرا کی ملکیت تھا۔

وسیم اکرم نے اپنا میلبورن کا گھر فروخت کے لیے پیش کردیا

قومی ٹیم کے سابق کپتان اور سوئنگ کے سلطان وسیم اکرم نے اپنا میلبورن کا گھر فروخت کیلیے پیش کردیا۔ 
پاکستان کے سابق فاسٹ بولر وسیم اکرم نے جدید سہولتوں سے مزین اپنا میلبورن کا پرآسائش گھر فروخت کے لیے پیش کردیا، یہ خوبصورت گھر 9 برس سے وسیم اکرم اور ان کی اہلیہ شنیرا کی ملکیت تھا، شروع میں وہ خود اس میں رہتے تھے مگر گزشتہ برس اسے کرائے پر دے دیا گیا تھا، اب 3 بیڈ روم والے اس گھر کو آکشن کے لیے پیش کیا جارہا ہے۔
 
شنیرا اکرم کہتی ہیں کہ پراپرٹی کی لوکیشن زبردست ہے اور امید ہے کہ نئے مالکان اس سے لطف اندوز ہوں گے۔،،
ان کا کہنا تھا کہ ہم خوش قسمت رہے کہ ہمیں آس پاس زبردست کمیونٹی میسر آئی، یہاں اسکول بھی بہترین ہیں۔،، 
آسٹریلیا کے شہر میلبورن میں واقع جدید سہولتوں سے آراستہ اس خوبصورت اور پُرآسائش گھر کی قیمت 1.9 ملین ڈالر کے آس پاس رہنے کی توقع ہے۔