پرتھ: پاکستان کے خلاف زمبابوے کی ٹی20 ورلڈکپ میں تاریخی جیت پر سابق کرکٹر اور کمنٹیٹر پومی مبنگوا کی جذباتی ویڈیو سوشل میڈیا پر وائرل ہوگئی۔
٢٨ اکتوبر ٢٠٢٢
سماجی رابطے کی ویب سائٹ ٹوئٹر ایک ویڈیو گردش کررہی ہے جس میں دیکھا جاسکتا ہے کہ زمبابوکے سابق کرکٹر و کمنٹیٹر پومی مبنگوا ٹی20 ورلڈکپ کے دوران میچ کے اختتامی لمحات میں بازید خان کے ہمراہ کمنٹری کررہے ہیں۔
پاکستان کو زمبابوے کے خلاف میچ میں جیت کے لئے آخری اوور میں11 رنز دکار تھے تاہم محمد نواز کی وکٹ گرنے کے بعد میچ میں سنسنی عروج پر تھی جبکہ قومی ٹیم کو اس وقت جیت کے لیے 4 رنز درکار تھے۔
کھیل کی آخری گیند پر پاکستان کو جیت کے لئے 3 جبکہ ڈرا کے لیے 2 رنز چاہیئے تھے تاہم زمبابونے کے کرکٹرز نے شاندار کھیل کا مظاہرہ کیا اور شاہین آفریدی کو رن آؤٹ کرکے ایک رن سے میچ اپنے نام کیا۔
اس موقع پر پومی اپنی ٹیم کی جیت پر انتہائی جذباتی ہوگئے اور کھل کر تعریف کی جبکہ پاکستان کے کمنٹیٹر بازید خان خاموشی سے کھڑے اسٹیڈیم کی طرف دیکھتے رہے۔
.jpg)
