ویسٹ انڈیز نے بھارت کے خلاف ون ڈے سیریز کے لیے شمرون ہیٹمائر اور اوشین تھامس کوٹیم میں واپس بلا لیا ہے۔
٢٦ جولائی ٢٠٢٣
جمعرات سےبھارت کے خلاف بارباڈوس کے کینسنگٹن اوول میں شروع ہونے والی تین ون ڈے انٹرنیشنل میچز کی سیریز کے لیے ویسٹ انڈیز نے بائیں ہاتھ کے بلے باز شمرون ہیٹمائر اور تیز گیند باز اوشین تھامس کو واپس بلا لیا ہے۔
کرکٹ ویسٹ انڈیز نے ایک بیان میں کہا کہ سابق کپتان نکولس پوران اور جیسن ہولڈر سلیکشن کے لیے دستیاب نہیں تھے جبکہ آل راؤنڈر کیمو پال انجری کے باعث ٹیم سے باہر ہو گئے ہیں۔
چیف سلیکٹر ڈیسمنڈ ہینس نے بیان میں کہا ہم اوشین اور شمرون کو گروپ میں واپسی پر خوش آمدید کہتے ہیں، دونوں نے پہلے بھی بین الاقوامی سطح پر کامیابی کے ساتھ کھیلا ہے اور ہمیں یقین ہے کہ وہ سیٹ اپ میں اچھی طرح فٹ ہوں گے۔
فاسٹ بولر جےڈن سیلز اور لیگ اسپنر یانک کیریہ کو سرجری سے بحالی کے بعد شامل کیا گیا ہے۔ بائیں ہاتھ کے اسپنر گڈاکیش موتی کو بھی چوٹ سے صحت یاب ہونے کے بعد ڈرافٹ کیا گیا ہے۔
دو بار کی ورلڈ چیمپئن ویسٹ انڈیز اس سال بھارت میں ہونے والے ون ڈے ورلڈ کپ کے لیے کوالیفائی کرنے میں ناکام رہی اور بھارت کے خلاف دو ٹیسٹ میچز کی سیریزبھی ایک صفرسے ہار گئی۔
.jpg)
