پاکستان کرکٹ بورڈ کے چیئرمین رمیز راجہ کو جلد عہدے سے ہٹائے جانے کا امکان ہے۔
١٩ دسمبر ٢٠٢٢
میڈیا رپورٹس کے مطابق وزیراعظم شہباز شریف سے نجم سیٹھی کی ظہرانے پر لاہور میں ملاقات ہوئی جس میں انہیں نیا چیئرمین پی سی بی بنانے کا عندیہ دیا گیا ہے۔ دوسری جانب ملک میں ڈیپارٹمنٹل کرکٹ بحال کرنے کے لئے وزیراعظم شہباز شریف نے نوٹس لیتے ہوئے وزارت برائے بین الصوباٸی رابطہ کو پی سی بی کے 2014ء کے آٸین کی بحالی کا ٹاسک دے دیا ہے۔
واضح رہے کہ عمران خان کے دور میں پی سی بی کا نیا آئین منظور کیا گیا تھا جس کے باعث ڈیپارٹمنٹل فرسٹ کلاس کرکٹ ختم کردی گئی تھی جبکہ سیکڑوں کرکٹرز بے روزگار ہوئے تھے۔ ذرائع کا کہنا ہے کہ وزیراعظم شہباز شریف کی جانب سے ملک میں ڈیپارٹمنٹل اسپورٹس بحال کرنے کے اعلان کے باوجود کرکٹ بورڈ میں احکامات پر عملدرآمد نہیں ہورہا تھا جس کا وزیراعظم نے نوٹس لیا۔
.jpg)
