نیوزی لینڈ کے کین ولیمسن کا ٹیسٹ کپتانی چھوڑنے کا اعلان

کین ولیمسن نے اپنے بیان میں کہا کہ ٹیسٹ کرکٹ میں قومی ٹیم کی کپتانی اُن کے لئے ایک ناقابل یقین اعزاز رہا ہے، انہوں نے ٹیسٹ فارمیٹ میں ٹیم کی قیادت کے چیلنجز کا شاندار لطف اٹھایا۔

انہوں نے کہا کہ ٹیم کی کپتانی میدان کے اندر اور باہر کام کا بوجھ بڑھا دیتی ہے، اپنے کیریئر کے اس مرحلے میں مجھے لگتا ہے کہ یہ فیصلہ لینے کا صحیح وقت ہے۔

کین ولیمسن نے مزید کہا کہ بورڈ کے ساتھ بات چیت کے بعد محسوس کیا کہ آئندہ دو سال میں 2 ورلڈ کپ کے ساتھ وائٹ بال فارمیٹس کی کپتانی برقرار رکھنا چاہوں گا۔

ان کا کہنا تھا کہ وہ ٹم ساؤتھی کو بطور کپتان اور ٹام لیتھم کو نائب کپتان کی حیثیت سے سپورٹ کرنے کے لئے پرجوش ہیں، اپنے کیریئر کا بیشتر حصہ ان دونوں کھلاڑیوں کے ساتھ کھیلنے کے بعد انہیں یقین ہے کہ وہ دونوں اچھا کام کریں گے۔

 نیوزی لینڈ کے وائٹ بال کرکٹ کپتان نے کہا کہ بلیک کیپس کے لئے کھیلنا اور تینوں فارمیٹس میں اپنی سو فیصد کارکردگی دکھانا ان کی پہلی ترجیح ہے، وہ آگے چل کر بھی اچھی کارکردگی دکھانے کے لئے پرامید ہیں۔

واضح رہے کہ کین ولیمسن نے 2021 میں بھارت کے خلاف نیوزی لینڈ کو ورلڈ ٹیسٹ چیمپئن شپ میں فتح دلوائی تھی۔