ویمنز ٹی 20 ایشیا کپ: بھارتی ویمن ٹیم تھائی لینڈ کو ہراکر فائنل میں پہنچ گئی

بھارتی ویمن ٹیم نے پہلے کھیل کر مقررہ 20 اوورز میں 6 وکٹوں کے نقصان پر 148 رنز بنائے۔ تھائی لینڈ کی ٹیم 149 رنز کا ہدف حاصل کرنے میں ناکام رہی۔ شفالی ورما کو عمدہ بیٹنگ پر میچ کی بہترین کھلاڑی قرار دیا گیا۔

سلہٹ انٹرنیشنل سٹیڈیم میں کھیلے گئے ٹورنامنٹ کے پہلے سیمی فائنل میچ میں تھائی لینڈ ویمن ٹیم کی کپتان نارومول چائیوائی نے ٹاس جیت کر پہلے فیلڈنگ کا فیصلہ کیا۔ بھارتی ویمن نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 148 رنز بنائے، شفالی ورما نے 42 اور کپتان ہرمن پریت کورنے 36رنز کی عمدہ اننگز کھیلی جبکہ جمائمہ روڈریگز 27 رنز کے ساتھ نمایاں رہیں۔

تھائی لینڈ کی طرف سے سورنارن ٹِپوچ نے 3 کھلاڑیوں کو آؤٹ کیا، بھارتی بائولرز کی عمدہ بائولنگ کے باعث تھائی لینڈ کی ٹیم مطلوبہ ہدف حاصل کرنے میں ناکام رہی اور مقررہ 20 اوورز میں 9 وکٹوں کے نقصان پر صرف 74 رنز بناسکی۔ کپتان نارومول چائیوائی اور نطایا بوچاتھم نے بالترتیب 21، 21 رنز بنائے۔

بھارتی ٹیم کی طرف سے دپتی شرما نے تین جبکہ راجیشوری گائیکواڑ نے دو کھلاڑیوں کو آئوٹ کیا۔ تھائی لینڈ ویمن کی 9 کھلاری ڈبل ڈیجٹ بھی عبور نہ کر سکیں۔ یوں بھارتی ویمن پہلے سیمی فائنل میں تھائی لینڈ کی خواتین ٹیم کو 74 رنز سے ہرا کر فائنل میں پہنچ گئی۔ شفالی ورما کو میچ کی بہترین کھلاڑی قرار دیا گیا۔