ویمینز ٹی 20 سیریز: پاکستان نے آئرلینڈ کو6 وکٹوں سے ہرا دیا

لاہور کے قذافی اسٹیڈیم میں کھیلے جانے والے سیریز کے دوسرے میچ میں پاکستان نے ٹاس جیت کر پہلے فیلڈنگ کا فیصلہ کیا۔ آئرلینڈ کی ویمن ٹیم نے پہلے بیٹنگ کرتے ہوئے 7 وکٹوں کے نقصان پر 118 رنز بنائے۔

بارش کے باعث میچ کو 17 اوورز تک محدود کردیا گیا تھا۔ پاکستان ویمنز ٹیم نے چاروکٹوں کے نقصان پر ہدف 16 ویں اوور میں حاصل کرلیا۔ ندا ڈار کو بہترین کارکردگی پر پلئیر آف دا میچ کا ایوارڈ دیا گیا۔ سیریز کے پہلے میچ میں آئرلینڈ نے پاکستان کو شکست دی تھی۔ تین میچز کی سیریز اب ایک ایک سے برابر ہوگئی ہے۔

پاکستان ویمن ٹیم نے ٹاس جیت کر پہلے بولنگ کا فیصلہ کیا اور آئر لینڈ ویمن نے مقررہ اوورز میں 7 وکٹوں کے نقصان پر 118 رنز بنائے۔

ایمی ہنٹر نے 36 اور اورلا پرینڈرگسٹ نے 20 رنز کی اننگز کھیلی، ندا ڈار نے 19 جب کہ نشرہ سندھو نے 21 رنز دے کر 2،2  وکٹیں حاصل کی، جواب میں پاکستان ویمن نے مطلوبہ ہدف 16اوورز میں پورا کرلیا۔

پاکستان ویمن نے 4 وکٹوں کے نقصان پر 121 رنز بنائے جس میں جویریہ خان نے 35 اور ندا ڈار نے 28 رنز بنائے جب کہ عائشہ یوسف نے جارحانہ 25 رنز کی ناقابل شکست اننگز کھیلی۔

ندا ڈار کو آل راؤنڈ پرفارمنس پر پلئیر آف دی میچ قرار دیا گیا۔

پاکستان ویمن کرکٹ ٹیم کی آل راؤنڈر ندا ڈار نے کہا کہ آئرلینڈ کے خلاف پہلے ٹی ٹوئنٹی میچ کی وکٹ اچھی تھی، شروع سے معلوم تھا کہ یہ بیٹنگ وکٹ ہے۔

میچ کے بعد گفتگو کرتے ہوئے ندا ڈار نے کہا کہ اگلے میچز کے لیے ہم مزید اچھا پلان کریں گے۔

ندا ڈار نے کہا کہ ون ڈے سیریز کی طرح ٹی ٹوئنٹی سیریز بھی اپنے نام کریں گے۔ 

 سیریز کا تیسرا و فیصلہ کن میچ 16 نومبر کو کھیلا جائے گا۔

واضح رہے کہ پاکستان ویمن کرکٹ ٹیم نے آئرلینڈ ویمن ٹیم کو تین ون ڈے میچز کی سیریز میں 0-3 سے کلین سوئپ کیا تھا۔