ویمنز انڈر 19 ورلڈکپ: پاکستان کا آج زمبابوے سے مقابلہ

بنگلہ دیش نے امریکا کے خلاف 5 وکٹوں سے فتح پائی، ناکام سائیڈ نے 4 وکٹوں کے نقصان پر 103 رنز بنائے، بنگال ٹائیگرز نے ہدف 17.3 اوورز میں 5 وکٹیں کھوکر پالیا۔

آسٹریلیا نے سری لنکا کو 108 رنز سے مات دی، فاتح الیون نے 5 وکٹوں کے نقصان پر 159 رنز جوڑے، ناکام سائیڈ 13 اوورز میں 51 رنز پر ڈھیر ہوگئی۔

جنوبی افریقہ نے یواے ای کو 45 رنز سے قابو کیا، میزبان الیون نے 7 وکٹوں کے نقصان پر 112 رنز اسکور بورڈ پر جمع کیے، خلیجی ٹیم 17 اوورز میں 67 رنز بناسکی، سماریا نے 13 رنز بناکر کچھ ہمت دکھائی، مینی سمٹ نے 11 رنز دے کر 4 پلیئرز کو پویلین واپس کیا۔

بھارت نے اسکاٹ لینڈ کو 83 رنز سے ہرادیا، فاتح الیون نے 4 وکٹوں کے نقصان پر 149 رنز جوڑے، گونگیڈی ٹریشا 57 رنز بنانے میں کامیاب رہیں، کیتھرین فریزر نے 31 رنز دے کر 2 وکٹیں لیں، اسکاٹش ٹیم 13.1 اوورز میں 66 رنز پر حوصلہ ہارگئی۔

گروپ اے اور ڈی سے ٹاپ تھری سائیڈز نے سپر سکس مرحلے میں رسائی پالی، جس کے بعد سپر سکس کے گروپ ون میں بھارت ٹاپ پر ہے، بنگلہ دیش دوسرے، آسٹریلیا تیسرے، جنوبی افریقہ چوتھے، سری لنکا پانچویں جبکہ یواے ای چھٹے نمبر پر فائز ہے، دیگر دو گروپس سے سپر سکس کا حتمی فیصلہ جمعرات کو تیسرے رائونڈ کی تکمیل پر ہوگا۔