سابق بھارتی کرکٹر محمد کیف نے آسٹریلیا کو چیمپئین ماننے سے انکار کردیا
٢٢ نومبر ٢٠٢٣
آئی سی سی ورلڈکپ 2023 کے فائنل میں آسٹریلیا کے ہاتھوں شکست بھارتیوں کو ہضم نہ ہوئی۔
میگا ایونٹ کے آفیشل براڈ کاسٹر اسٹار اسپورٹس نے سابق بھارتی کرکٹر اور کمنٹیٹر محمد کیف کی ویڈیو شیئر کی جس میں وہ آسٹریلیا کو چیمپئین ماننے سے انکار کررہے تھے۔
انہوں نے کہا کہ میں قطعی یہ بات ماننے کو تیار نہیں ہوں کہ میگا ایونٹ کا فائنل دنیا کی اچھی ٹیم جیتی ہے، آن پیپر بھارتی ٹیم دنیا کی بہترین ٹیم ہے۔ آج بھارت کا برا دن تھا ورنہ یہ میچ ہماری ہی ٹیم جیتتی۔
محمد کیف نے کہا کہ ٹاس ہارنے اور پھر بیٹنگ کرنے کی دعوت ملی تو آسٹریلوی گیند بازوں نے سلو باؤنسرز کروائے جس نے ٹیم انڈیا کو بیک فٹ پر دھکیل دیا۔
بھارتی کمنٹیٹر نے کہا کہ سال 2003 میں ہماری ٹیم ایونٹ میں بہت اچھا کھیلی تھی لیکن ہم فائنل میں آسٹریلیا سے ہار گئے تھے جس کا ہمٰں پوری طرح احساس ہے۔
دوسری جانب بھارتی ٹیم کے سابق کرکٹر محمد کیف کے بیان پر آسٹریلوی کمنٹیٹر گلین مچل نے کہا کہ انہیں یہ یاد دلانے کی ضرورت ہے کہ ورلڈکپ کا فائنل کرکٹ کے میدان میں جیتا جاتا ہے، کاغذ پر نہیں۔
.jpg)
