آئی سی سی ورلڈکپ 2023 کی تیاریوں کے سلسلے میں پاکستان اور نیوزی لینڈ کے ٹیمیں پانچ ون ڈے انٹرنیشنل میچز کے لئے آج ایک دوسرے کے مقابل آئیں گی۔
٢٧ اپریل ٢٠٢٣
سیریز کے پہلے دو میچ 27 اور 29 اپریل کو راولپنڈی کرکٹ اسٹیڈیم میں شیڈول ہیں جبکہ اگلے تین میچ 3، 5، 7 مئی کو کراچی میں شیڈول ہیں۔
آئی سی سی ورلڈکپ 2023 سے قبل پاکستان کو اگست اور ستمبر میں ایشیاکپ جبکہ افغانستان کے خلاف تین ون ڈے انٹرنیشنل میچ بھی کھیلنے ہیں۔ جس سےگرین شرٹس کو میگا ایونٹ کی تیاریوں کا موقع ملے گا۔
پاکستان اور نیوزی لینڈ کی ٹیموں نے آئی سی سی مینز کرکٹ ورلڈکپ سپر لیگ کی ٹاپ 8 ٹیموں کے لئے کوالیفائی کرلیا ہے، کیویز 24 میچوں میں 16 فتوحات کے ساتھ سرفہرست ہیں جبکہ پاکستان 21 میچوں میں 13 فتوحات کے ساتھ پانچویں نمبر پر موجود ہے۔
پاکستان کا اسکواڈ:
کپتان بابراعظم، شاداب خان (نائب کپتان)، عبداللہ شفیق، فخر زمان، حارث رؤف، حارث سہیل، احسان اللہ، امام الحق، محمد حارث (وکٹ کیپر)، محمد نواز، محمد رضوان، محمد وسیم جونیئر، نسیم شاہ، سلمان علی آغا، شاہین شاہ آفریدی، شان مسعود اور اسامہ میر شامل ہیں۔
.jpg)
