انڈیا کی ورلڈکپ میں شکست، حریم شاہ کامداحوں میں آئی فون بانٹنےکا اعلان

معروف ٹک ٹاکر حریم شاہ نے کرکٹ ورلڈ کپ 2023 میں انڈین ٹیم کی شکست پر اپنے مداحوں کیلئے مہنگے تحفوں کا اعلان کردیا۔ 
حریم شاہ نے سماجی رابطے کی ویب سائٹ ایکس (ٹوئٹر) پر اعلان کیا کہ انڈیا کے ہارنے کی خوشی میں آج 2 آئی فون 15 بانٹ رہی ہوں۔،، 
احمد آباد کے نریندر مودی کرکٹ اسٹیڈیم میں کھیلے گئے آئی سی سی ورلڈ کپ 2023ء کے فائنل میں بھارت کا 241 رنز کا ہدف آسٹریلیا نے 43 اوورز میں چار وکٹوں کے نقصان پر حاصل کیا اور میگا ٹورنامنٹ میں ناقابلِ شکست رہنے والی بھارتی ٹیم کو سخت مایوسی سے دوچار کیا۔  
حریم شاہ نے اپنی سوشل میڈیا پوسٹ میں لکھا کہ انڈیا کے ہارنے کی خوشی میں آج 2 آئی فون 15 بانٹ رہی ہوں، دل خوش ہوگیا ہے آج میرا، انعام جیتنے کے لیے میری پروفائل پر جاکر پہلی پوسٹ کو لائک اورشئیر کریں، جلدی جلدی، انعام ہی انعام ہیں آج۔ 
واضح رہے کہ آسٹریلیا کرکٹ ورلڈ کپ کی تاریخ میں سب سے زیادہ چھ بار چیمپئن بننے والی ٹیم بن گئی ہے جو اس سے قبل 1987، 1999، 2003، 2007 اور 2015 میں بھی ٹائٹل اپنے نام کرچکی ہے۔ 
یاد رہے کہ بھارت کی یہ ٹورنامنٹ میں پہلی شکست تھی، بھارتی ٹیم ورلڈ کپ میں اپنے تمام 9 لیگ میچز میں کامیابی کے بعد سیمی فائنل میں بھی کامیاب ہوئی تھی تاہم فائنل میں کینگروز نے بھارتی ارمانوں پر پانی پھیر دیا۔