ورلڈکپ: سچن ٹنڈولکر ورلڈکپ میچز ’’گولڈن ٹکٹ‘‘ پر دیکھیں گے

بھارت کے لیجنڈ کرکٹر کی گولڈ ٹکٹ کے ساتھ تصاویر سوشل میڈیا پر وائرل ہوگئیں۔

بھارتی کرکٹ میں بھگوان کا درجہ رکھنے والے نام ور بلے باز سچن ٹنڈولکر ورلڈکپ کے میچز گولڈن ٹکٹ پر دیکھیں گے۔
بھارتی کرکٹ بورڈ (بی سی سی آئی) کے سیکریٹری اور ایشین کرکٹ کونسل کے سربراہ جے شاہ نے لیجنڈری کرکٹر سچن ٹنڈولکر سے ملاقات کی اور انہیں خصوصی مہمان کے طور پر ورلڈ کپ کے میچز دیکھنے کی دعوت دی۔
اس سے قبل بھارتی بورڈ کے سیکریٹری جے شاہ نے بالی ووڈ اسٹار امیتابھ بچن کو بھی بھارت میں شیڈول ورلڈکپ میچز کیلئے بورڈ کا مہمان خصوصی بننے کی دعوت دی تھی۔
بی سی سی آئی سیکریٹری گولڈن ٹکٹ کا تحفہ لیکر دونوں کے گھر گئے اور ایونٹ میں شرکت کی دعوت دی، جس کی تصاویر سوشل میڈیا پر وائرل ہوگئیں۔