میگا ایونٹ سے قبل قومی ٹیم میں زیادہ تبدیلیوں کی ضرورت نہیں، شاہد آفریدی
١٧ جولائی ٢٠٢٣
قومی کرکٹ ٹیم کے سابق کپتان و چیف سلیکٹر شاہد آفریدی کا کہنا ہے کہ بھارت میں شیڈول ورلڈکپ 2023 میں پاکستان کے پاس بہترین ٹیم ہے، کوئی وجہ نہیں کہ قومی ٹیم فائنل تک رسائی حاصل نہ کرسکے۔
مقامی ٹی وی چینل کو انٹرویو دیتے ہوئے سابق کپتان شاہد آفریدی نے ایک سوال کا جواب دیتے ہوئے کہا کہ ورلڈکپ میں میری ٹاپ فور ٹیمیں پاکستان، بھارت، انگلینڈ اور آسٹریلیا ہیں، مجھے لگتا ہے کہ قومی ٹیم میں زیادہ تبدیلیاں کرنے کی ضرورت نہیں، ہماری بولنگ، بیٹنگ اور اسپن ڈیپارٹمنٹ اچھا کرنے کی کوشش کررہا ہے۔
شاہد آفریدی نے ورلڈکپ کیلئے سب سے بہترین کپتان کے سوال پر کہا کہ تمام ٹیموں کے کپتانوں میں تقریباً ایک جیسے اسکلز ہوتے ہیں لیکن میں بابراعظم کو بیک کروں گا۔
سابق آل راؤنڈ نے رمیز راجا کو کمنٹری میں کم بیک کرنے پر خوش آمدید کہتے ہوئے کہا کہ ان کے مداح انہیں کمنٹری کرتے ہوئے دیکھنا چاہتے ہیں۔
واضح رہے کہ سابق شاہد آفریدی کی قیادت میں قومی ٹیم نے 2011 کے ورلڈکپ میں بھارت کا دورہ کیا تھا تاہم سیمی فائنل میں روایتی حریف بھارت کے خلاف گرین شرٹس کو شکست کا منہ دیکھنا پڑا تھا۔
.jpg)
