انگلینڈ سے شکست کھانے کے بعد بھارت ورلڈ ٹیسٹ چیمپیئن شپ کے پوائنٹس ٹیبل پر پانچویں نمبرپر آگیا۔
٣٠ جنوری ٢٠٢٤
گزشتہ روز انگلینڈ نے پانچ ٹیسٹ میچز کی سیریز کے پہلے میچ میں بھارت کو حیدر آباد کے گراؤنڈ میں 28 رنز سے شکست دی تھی۔
ورلڈ ٹیسٹ چیمپیئن شپ کی دو مرتبہ کی فاتح بھارتی ٹیم ٹیسٹ میچ سے قبل پوائنٹس ٹیبل پر دوسرے نمبر پر موجود تھی لیکن انگلینڈ سے شکست کے باعث بھارٹی ٹیم پانچویں نمبر پر آگئی جبکہ جنوبی افریقہ دوسرے، نیوزی لینڈ تیسرے اور بنگلہ دیش کی ٹیم چوتھے نمبر پر آگئی ہے۔
مہمان ٹیم انگلینڈ سے شکست کے بعد بھارت کے پوائنٹس 54.16 فیصد سے گر کر 43.33 فیصد پر آگئے۔ بھارتی ٹیم نے اب تک پانچ میچز کھیلے ہیں جس میں اسے دو میچز میں فتح ملی اور دو میں شکست کا منہ دیکھنا پڑا جبکہ ایک ٹیسٹ بغیر کسی نتیجے کے ختم ہوگیا۔
اس وقت، دفاعی چیمپیئن آسٹریلیا پوائنٹس ٹیبل پر پہلے نمبر پر براجمان ہے۔ کینگروز نے پاکستان کو ٹیسٹ سیریز میں وائٹ واش کیا تھا۔
.jpg)
