ورلڈ کپ میں پاکستان کی مسلسل شکستوں پر علی ظفر کا طنز

آئی سی سی ورلڈ کپ 2023 میں پاکستان کی مسلسل شکستوں نے عالمی شہرت یافتہ گلوکار علی ظفر کو قومی ٹیم پر طنز کرنے پر مجبور کردیا۔ 
علی ظفر نے سماجی رابطے کی ویب سائٹ ایکس (سابق ٹوئٹر) پر ایک طنزیہ پوسٹ کی جس میں اُنہوں نے 27 اکتوبر کو ہونے والے پاکستان اور جنوبی افریقہ کے میچ سے قبل ہی قومی ٹیم کو جیت کی مبارکباد دے دی۔ 
معروف گلوکار نے کہا کہ “جمعہ کو جنوبی افریقہ کے خلاف پاکستان کی جیت پر مبارکباد پیش کرتا ہوں”۔ 
علی ظفر کے ٹوئٹ پر سوشل میڈیا صارفین نے تبصروں کا سلسلہ شروع کردیا اور کہا کہ گلوکار نے کچھ زیادہ ہی جلدی مبارکباد دے دی۔
ایک صارف نے علی ظفر سے پوچھا کہ “آپ بھی ابھی تک صدمے میں ہیں”۔ 
حسنین نامی صرف نے کہا کہ “علی ظفر مستقبل میں رہ رہے ہیں”۔ 
عرفان نامی صارف نے مزاحیہ انداز میں کہا کہ “میرے خیال میں افغانستان کے خلاف پاکستان کی شکست نے آپ کو ڈپریشن میں ڈال دیا ہے”۔ 
واضح رہے کہ میگا ٹورنامنٹ میں پاکستان اب تک اپنے پانچ گروپ میچ کھیل چکا ہے جس میں سے اُسے دو میں فتح ملی اور تین میں شکست ہوئی ہے۔  پوائنٹس ٹیبل پر پاکستان 4 پوائنٹس کے ساتھ پانچویں پوزیشن پر ہے۔ 
پاکستان کے اب چار میچ باقی بچے ہیں اور اگر پاکستان یہ تمام میچ جیت جاتا ہے تو اسکے زیادہ سے زیادہ ممکنہ پوائنٹس 12 ہوجائیں گے۔ قومی ٹیم 27 اکتوبر کو جنوبی افریقہ، 31 اکتوبر کو بنگلہ دیش، 4 نومبر کو نیوزی لینڈ اور 11 نومبر کو انگلینڈ سے مقابلہ کرے گی۔