یاسر شاہ ایڈیشن 19-2017 تک لاہور قلندرز کی نمائندگی کرچکے ہیں
٠١ مارچ ٢٠٢٠
فوٹو: پی ایس ایل
تجربہ کار لیگ اسپنر یاسر شاہ پی ایس ایل کی ٹیم پشاور زلمی کا حصہ بن گئے جنہیں نوجوان اسپنر محمد محسن کی جگہ اسکواڈ میں شامل کرلیا گیا ہے۔
ایکسپریس کے مطابق ان فٹ ہونے کے باعث محمد محسن ایک ہفتے کے لیے پی ایس ایل سے باہر ہوگئے ہیں۔ لیگ اسپنر محمد محسن لاہور قلندرز کے خلاف میچ میں زخمی ہوگئے تھے۔ میچ میں فیلڈنگ کے دوران لیگ اسپنر کے بائیں ہاتھ کی دو انگلیوں کے درمیان چوٹ لگ گئی تھی۔ متبادل کھلاڑی کی حیثیت سے یاسر شاہ کے نام کی منظوری ایونٹ کی ٹیکنیکل کمیٹی نے دی۔
کمیٹی میں پی سی بی کے چیف ایگزیکٹو آفیسر وسیم خان، بازید خان، مرینہ اقبال، سمیر کھوسہ اور ڈاکٹر سہیل سلیم شامل ہیں۔ لیگ کے پانچویں ایڈیشن کے 2 میچز کھیلنے والے محمد محسن کو پشاور زلمی نے سلور کٹیگری میں منتخب کیا تھا۔
دوسری جانب یاسر شاہ ایڈیشن 19-2017 تک لاہور قلندرز کی نمائندگی کرچکے ہیں۔ وہ اب تک 23 پی ایس ایل میچوں میں 23 وکٹیں حاصل کرچکے ہیں۔
.jpg)
