ڈائنا مائٹس نے پہلے کھیلتے ہوئے 6وکٹوں کے نقصان پر 211رنز اسکور کیے، جواب میں چیلنجرز کی ٹیم صرف 79 رنز بناسکی۔
٠٥ جون ٢٠٢٣
پی سی بی پاکستان ویمنز ون ڈے کپ2023 میں شاندار کارکردگی کا مظاہرہ کرنے والی ڈائنا مائٹس نے چیلنجرز کو132رنز سے شکست دے کر فتح اپنے نام کرلی۔
تفصیلات کے مطابق پاکستان کپ ویمنز ون ڈے کرکٹ ٹورنامنٹ کا فائنل میچ ڈائنامائٹس اور چیلنجرز کی ٹیموں کے درمیان کھیلا گیا، سدرہ امین نے ڈائنامائٹس جبکہ عمیمہ سہیل نے چیلنجرز کی کپتانی کی۔
ڈائنا مائٹس نے پہلے کھیلتے ہوئے 6وکٹوں کے نقصان پر 211رنز اسکور کیے، جواب میں چیلنجرز کی ٹیم صرف 79 رنز بناسکی۔ اس طرح چیلنجرز کی ٹیم 132رنز کے بڑے مارجن سے ٹرافی کی حقدار قرار پائی۔
سدرہ نواز نے 103رنز کی شاندار اننگز کھیلی، سدرہ امین ایونٹ کی بہترین کھلاڑی قرار پائیں، نشرہ سندھو نے بہترین بالنگ کا مظاہرہ کرتے ہوئے 4 کھلاڑیوں کو آؤٹ کیا۔
ترجمان پی سی بی کے مطابق ٹورنامنٹ جیتنے والی ٹیم کو دس لاکھ روپے کی انعامی رقم ملے گی جبکہ رنرز اپ کو پانچ لاکھ روپے ملیں گے۔ پلیئر آف دی میچ کو بیس ہزار روپے اور پلیئر آف دی ٹورنامنٹ کو پچاس ہزار روپے کا نقد انعام دیا جائے گا۔
.jpg)
