کراچی: پاکستان کرکٹ بورڈ کے چیف سلیکٹر شاہد آفریدی نے کہا ہے کہ ہمیں اپنی ذمہ داری کا احساس ہے، اب فیصلے انصاف سے ہوں گے۔
٢٦ دسمبر ٢٠٢٢
پی سی بی کی عبوری سلیکشن کمیٹی کا نیشنل اسٹیڈیم کے کمیٹی روم میں شاہد آفریدی کی سربراہی میں اہم اجلاس کا انعقاد ہوا، جس میں تمام ارکان نے شرکت کی۔
ملاقات کے بعد میڈیا سے گفتگو کرتے ہوئے شاہد آفریدی نے کہا کہ بابر اعظم کی کپتانی میں مزید بہتری لائیں گے، ہمیں اپنی ذمہ داری کا احساس ہے،اب انصاف سے فیصلے ہوں گے۔
انہوں نے کہا کہ عبدالرزق کا آئیڈیا ہے کہ صرف ٹرننگ وکٹ کیوں ہونی چاہیے، ہم آسٹریلیا اور جنوبی افریقہ جیسی وکٹیں بھی بنا سکتے ہیں۔
قبل ازیں عبوری سلیکشن کمیٹی کے اجلاس میں دورۂ نیوزی لینڈ کے حوالے سے کھلاڑیوں کے انتخاب پر بھی غور کیا گیا۔ نیوزی لینڈ کے خلاف کراچی ٹیسٹ میں پلئینگ الیون میں تبدیلیاں کی جارہی ہیں، سابق کپتان اور وکٹ کیپر سرفراز احمد کو قومی ٹیم میں واپس لا کر محمد رضوان کو آرام کروایا جارہا ہے۔
اسپنر ساجد خان کی بھی کراچی ٹیسٹ میں شمولیت کا قومی امکان ہے، فاسٹ بولرز میر حمزہ یا بیٹر کامران غلام کی شمولیت کا فیصلہ وکٹ کو مدنظر رکھتے ہوئے کیا جائے گا۔
.jpg)
