فیفا: حسن علی کی نقل پر مبنی پوسٹ سوشل میڈیا پر وائرل

فیفا کی جانب سے قومی ٹیم کے فاسٹ بولر حسن علی کی نقل اتارنے کی پوسٹ سوشل میڈیا پر وائرل ہوگئی۔
سوئٹزرلینڈ کے بریل ایمبولو نے 75ویں منٹ میں گول کر کے اپنی ٹیم کو آگے کر دیا تھا لیکن ساکا نے فوری جواب دیتے ہوئے پانچ منٹ بعد ہی گول کرکے اسکور برابر کردیا۔ 
تفصیلات کے مطابق فوٹو اور ویڈیو شیئرنگ ایپ انسٹاگرام پر فیفا نے انگلش فٹبالر بوکایو ساکا کی تصویر اس موقع پر شیئر کی جب انہوں نے یورو کپ کے کوارٹر فائنل میں سوئٹزرلینڈ کے خلاف 80 ویں منٹ میں گول کرکے اسکور برابر کردیا تھا۔ 
سوئٹزرلینڈ کے فٹبالر بریل ایمبولو نے پہلا گول میچ کے 75ویں منٹ میں کیا اور ساکا نے پانچ منٹ کے بعد ہی گول داغ کرمقابلہ برابر کردیا تھا۔  
انگلینڈ نے پنالٹی ککس پر 5-3 سے کامیابی حاصل کی، انگلش ٹیم 11 جولائی کو نیدرلینڈز کے ساتھ سیمی فائنل کھیلے گی، تاہم فیفا کی انسٹاگرام پر پوسٹ نے حسن علی کے ’کنگ کرلے گا‘ والے بیان کی یاد تازہ کردی۔ 
فیفا کی جانب سے بوکایو ساکا کی تصویر شیئر کرتے ہوئے انسٹاگرام پر لکھا گیا تھا کہ ’ساکا کرلے گا۔‘ 
واضح رہے کہ گزشتہ سال ایک پوڈ کاسٹ میں فاسٹ بولر حسن علی نے کپتان بابر اعظم کی تعریف کرتے ہوئے کہا تھا کہ ’کنگ کرلے گا۔‘
حسن علی کا کہنا تھا کہ ’ہم اس کو بابر نہیں کہتے، ’کنگ‘ کہتے ہیں اور جو کام ناممکن نظر آتا ہو اس کے بارے میں ہم کہتے ہیں کہ‘ کنگ کرلے گا۔‘ 
یاد رہے کہ فاسٹ بولر حسن علی ان دنوں کاؤنٹی کرکٹ کھیلنے میں مصروف ہیں اور ورکشائر کی نمائندگی کررہے ہیں۔