نوجوان پاکستانی بیٹر بہترین ہٹرز میں سے ایک اور شاندار صلاحیتوں کے حامل ہیں، انگلش کرکٹر۔
٠١ فروری ٢٠٢٤
پاکستانی وکٹ کیپر بلے بازاعظم خان کی پاور ہٹنگ نے انگلش کرکٹر الیکس ہیلز کو اپنا گرویدہ بنالیا۔
آئی ایل ٹی ٹوئنٹی میں ڈیزرٹ وائپرز کی نمائندگی کرنے والے انگلش کرکٹر کا کہنا ہے کہ نوجوان پاکستانی بیٹر بہترین ہٹرز میں سے ایک اور شاندار صلاحیتوں کے حامل ہیں، ان کی موجودگی سے ہماری ٹیم کی قوت بڑھ گئی ہے۔
الیکس ہیلز نے گزشتہ چند سالوں میں اعظم خان کی شاندار فارم کو اجاگر کرتے ہوئے کھیل کے مختصر ترین فارمیٹ میں انہیں بہترین ہٹرز میں سے ایک قرار دیا اور بہترین بلے باز کے طور پر ان کی دل کھول کر تعریف کی۔
فٹنس کی وجہ سے رن آؤٹ ہونے کے سوال پر الیکس ہیلز نے کہا کہ میرے خیال میں انھیں کوئی مسئلہ نہیں، کرکٹ میں ایسا ہوجاتا ہے، اسی میچ کے دوران میں خود بھی رن آؤٹ ہونے سے بال بال بچا، اصل بات یہ ہے اعظم خان جیسی ہٹنگ بہت کم بیٹرز کرتے ہیں، میں ان کا مستقبل روشن دیکھ رہا ہوں۔
.jpg)
