پولیس ابھی تک نامعلوم حملہ آور کو گرفتار نہیں کر سکی اور اس بہیمانہ قتل کی وجہ بھی معلوم نہیں ہو سکی ہے۔
١٨ جولائی ٢٠٢٤
سری لنکا کی انڈر 19 کرکٹ ٹیم کے سابق کپتان دھمیکا نروشنا کوان کے گھر کے سامنے گولی مار کرقتل کر دیا گیا۔
سری لنکن پولیس کے مطابق 41 سالہ سابق کپتان دھمیکا نروشنا کو مبینہ طور پر منگل کی رات گئے ان کی رہائشگاہ کے باہر گولی مار کر قتل کردیا گیا۔
پولیس کا کہنا ہے کہ جب یہ واقعہ پیش آیا تو دھمیکا نروشنا اپنی اہلیہ اور 2 بچوں کے ساتھ گھر میں موجود تھے، انہیں بیوی بچوں کے سامنے گولی ماری گئی۔
سری لنکن سابق کپتان کو مبینہ طور پر 12 بور کی گن سے قتل کیا گیا ہے، واقعے کی اطلاع ملتے ہی پولیس موقع پر پہنچ گئی۔
پولیس کے مطابق مقتول کرکٹر کی لاش کو پوسٹ مارٹم کے لیے بھیج دیا گیا ہے جبکہ ابھی تک قتل کی وجہ سامنے نہیں آسکی، اس حوالے سے مزید تحقیقات جاری ہے۔
.jpg)
