لارڈز ٹیسٹ: ویسٹ انڈیز کے خلاف ایٹکنسن کی شانداربولنگ، 7وکٹیں لے اُڑے

انگلینڈ بمقابلہ ویسٹ انڈیز ٹیسٹ سیریز کے پہلے میچ میں انگلینڈ کے ڈیبیوٹنٹ  کھلاڑی گس ایکٹنسن نے ویسٹ انڈیز بیٹنگ لائن کے پرخچے اڑا دیے۔
ویسٹ انڈیز کی پوری ٹیم پہلی اننگز میں 121 رنز بنا کر آل آؤٹ ہوگئی۔  پہلے دن کے اختتام تک انگلینڈ نے 3 وکٹوں کے نقصان پر 68 رنز کی برتری حاصل کرلی۔  
تفصیلات کے مطابق لارڈز میں ورلڈ ٹیسٹ چیمپئن شپ 25-2023 کے تحت ہونے والی سیریز کے پہلے میچ میں انگلش کپتان نے ٹاس جیت کر ویسٹ انڈیز کو پہلے بیٹنگ کرنے کی دعوت دی۔
ویسٹ انڈیز کی ٹیم اپنی پہلی اننگز میں 41.4 اوورز میں صرف 121 رنز بنا کر آؤٹ ہوگئی۔
ویسٹ انڈیز ٹیم کی جانب سے مکائیل لوئس 27 رنز بنا کر نمایاں رہے۔ کیوم ہوج 24، ایلک ایتھیناز23 اورالزاری جوزف 17 رنز بنا کر پویلین لوٹے۔
کپتان کریگ بریتھویٹ 6، جیڈن سیلز 2، کرک مک کینزی1 جبکہ جیسن ہولڈر، جوشوا ڈی سلوا اور شیمار جوزف  کوئی رن بنائے بغیر آؤٹ ہوئے۔ 
گداکیش موتی 14 رنز بنا کر ناٹ آؤٹ پویلین لوٹے۔ 
انگلینڈ کی جانب سے ڈیبیو کرنے والے گس ایٹکنسن نے تباہ کن بولنگ کرتے ہوئے 45 رنز کے عوض 7 کھلاڑیوں کو آؤٹ کیا۔ 
اپنےکیریئر کا آخری میچ کھیلنے والے جیمز اینڈرسن نے بھی ایک وکٹ لی۔ کپتان بین اسٹوکس اور کرس ووکس نے بھی1، 1 کھلاڑی کو آؤٹ کیا۔  
جواب میں انگلش بیٹرز نے پہلی اننگز میں شاندار بیٹنگ کا مظاہرہ کرتے ہوئے پہلے دن کے اختتام تک 3 وکٹوں کے نقصان پر 189 رنزبناکر 68 رنز کی برتری حاصل کر لی۔ 
انگلینڈ کی جانب سے زیک کرولے 76 اور اولی پوپ 57 رنز بنا کر آؤٹ ہوئے۔ بین ڈکٹ 3 رنزکر پویلین لوٹے۔ 
دن کے ختم ہونے تک ہیری بروک 25 اور جوروٹ 15 رنز کے ساتھ کریز پر موجود تھے۔ 
ویسٹ انڈیز کی جانب سے جیڈن سیلز نے 2 اور جیسن ہولڈر نے 1 کھلاڑی کو آؤٹ کیا۔