ٹی 20 ورلڈکپ 2024 : فاتح اور رنر اپ ٹیمیں کتنی رقم سمیٹیں گی

آئی سی سی ٹی ٹوئنٹی ورلڈ کپ 2024 کی فاتح بھارتی ٹیم کے لئے 24 لاکھ 50 ہزار ڈالرز(پاکستان کے تقریبا 68 کروڑ روپے) کا انعام مختص کیا گیا تھا۔ تقریباً دس سال قبل2013 میں انگلینڈ کے خلاف چیمپیئنز ٹرافی جیتنے کے بعد سے ہندوستان کی یہ حالیہ فتح مین ان بلیو کا پہلا آئی سی سی ٹائٹل ہے۔ 
تفصیلات کے مطابق آئی سی سی ٹی ٹوئنٹی ورلڈ کپ کی فاتح بھارتی ٹیم کو 24 لاکھ 50 ہزار ڈالرز کا انعام ملا، پاکستانی روپوں میں دیکھا جائے تو انڈین ٹیم کو ٹی 20 ورلڈ کپ جیتنے پر 68 کروڑ کے لگ بھگ رقم ملی جبکہ رنر اپ جنوبی افریقہ کی ٹیم 12 لاکھ 80 ہزارڈالرز کی انعامی رقم کی حقدار قرار پائی۔ 
چوکرز کہلانے والے پروٹیز کوفائنل میں ہارنے کے باوجود پاکستانی کرنسی کے مطابق 35 کروڑ 62 لاکھ روپے ملیں گے۔ 
سیمی فائنل ہارنے والی دونوں ٹیموں کو سات لاکھ 87 ہزار پانچ سو ڈالرز ملیں گے۔ انگلینڈ اور افغانستان کی ٹیموں کو پاکستانی کرنسی کے مطابق تقریباً 22 روپے کروڑ انعام ملے گا۔
پہلے راؤنڈ سے آگے نہ بڑھنے کے باوجود پاکستان ٹیم 6 کروڑ 88 لاکھ روپے کی حقدار قرار پائی۔ پہلے راؤنڈ میں گروپ کے تیسرے نمبر کی ٹیموں کے لئے 247,500 ڈالرز مختص کئےگئے تھے۔