قومی فاسٹ بولرحنین شاہ انجری کے باعث دورہ آسٹریلیا سے باہر ہوگئے

قومی ٹیم کے فاسٹ بولر نسیم شاہ کے چھوٹے بھائی حنین شاہ انجری کے باعث دورہ آسٹریلیا سے باہر ہوگئے۔ دورہ آسٹریلیا کے لئے پاکستان شاہینز کی قیادت کے فرائض  صاحبزادہ فرحان سرانجام دیں گے۔ قومی ٹیم کے 15 رکنی اسکواڈ میں حنین شاہ کی جگہ قاسم اکرم کو شامل کرلیاگیا۔   
تفصیلات کے مطابق پاکستان کرکٹ بورڈ ( پی سی بی) نے صاحبزادہ فرحان کو دورہ آسٹریلیا کے لئے پاکستان شاہینز کا کپتان مقررکردیا ہے۔ 
ڈومیسٹک کرکٹ کا وسیع تجربہ رکھنے والے قومی کرکٹر صاحبزادہ فرحان بنگلہ دیش اے کے خلاف 2 ون ڈے میچز میں پاکستان شاہینز کی قیادت کریں گے۔ 
پاکستانی ٹیم بنگلہ دیش اے کے خلاف 2 چار روزہ میچ آسٹریلیا میں کھیلے گی۔ 
دوسری جانب مجوزہ سیریز کے لئے پاکستانی اسکواڈ میں ایک تبدیلی کی گئی ہے، فاسٹ بولر حنین شاہ انجری کی وجہ سے اسکواڈ سے باہر ہوگئے ہیں، ان کی جگہ قاسم اکرم کو اسکواڈ میں شامل کرلیا گیا ہے۔ 
واضح رہے کہ پاکستان شاہینز کی ٹیم ہفتے کی علی الصبح پونے 3 بجے براستہ دبئی، آسٹریلیا کے دورے پر روانہ ہوگی۔ 
پاکستانی ٹیم میں ڈیبیو کرنے سے قبل انجری کا شکار ہونےوالےحنین شاہ کو دورہ آسٹریلیا کے لئے ٹیم سے ڈراپ کردیا گیا ہے وہ مکمل صحت یاب ہونے تک کرکٹ کے میدان سے دور رہیں گے جبکہ ان کی جگہ قاسم اکرم کو قومی اسکواڈ کا حصہ بنایا گیا ہے۔   
پاکستان شاہینز ہفتے کی صبح 2 بجکر 45 منٹ پر آسٹریلیا کے لیے روانہ ہونگے اور دبئی سے ہوتے ہوئے برسبین پہنچیں گے۔  
صاحبزادہ فرحان بنگلہ دیش اے کے خلاف آسٹریلیا میں دو چار روزہ میچوں کی سیریز کے دوران شاہینز کی کپتانی کریں گے۔ 
ٹیسٹ ٹیم کے ہیڈکوچ جیسن گلیسپی بھی ٹیم کے ہمراہ آسٹریلیا جائیں گے اور اگست کے شروع میں بنگلہ دیش اے کے خلاف چار روزہ میچز کے بعد قومی ٹیم کے ٹریننگ کیمپ کی نگرانی کریں گے۔ 
پاکستان شاہینز کا 15 رکنی اسکواڈ: 
صاحبزادہ فرحان (کپتان)، حسیب اللہ، قاسم اکرم، محمد عرفان خان، محمد علی، کامران غلام، کاشف علی، خرم شہزاد، مہران ممتاز، محمد حریرہ، مبصر خان، عمیر بن یوسف، شاہنواز دھانی، طیب طاہر اور عمر امین شامل ہیں۔