فین کی جانب سے کرکٹر کو چاچا کہہ کر مخاطب کرنے پر افتخار احمد غصے میں آگئے۔
قومی ٹیم کے مڈل آرڈر بیٹر افتخار احمد کی کرکٹ فین کو میدان میں خاموش کروانے کی ویڈیو سوشل میڈیا پر وائرل ہوگئی۔
سماجی رابطے کی ویب سائٹ ٹوئٹر (ایکس) پر دیکھا جاسکتا ہے کہ ہملٹن میں کھیلے جانے والے سیریز کے دوسرے ٹی20 انٹرنیشنل میچ میں افتخار احمد باؤنڈری لائن پر فیلڈنگ کررہے تھے کہ ایک فین نے انہیں ’’چاچا‘‘ کہہ کر مخاطب کیا ، جس پر کرکٹر کو غصہ آگیا۔
مڈل آرڈر بیٹر نے فین کو کہا کہ وہ خاموش ہوجائیں، جس پر فین نے جواب دیا کہ وہ انکا مداح ہے اور اسکے خاموش ہوجانے سے کیا ہوگا۔
جس دوران افتخار احمد باؤنڈری لائن پر فیلڈنگ کررہے تھے اسوقت پاکستانی بولرز کو کیوی بیٹرز کی جانب سے میچ میں پٹائی لگ رہی تھی جس پر کرکٹر نالاں تھے۔