بھارتی ٹیم ٹی20 ورلڈکپ کے لئےعارضی تربیتی سیٹ اپ پرناراض، رپورٹ

بھارتی ٹیم نے ٹی 20 ورلڈ کپ کے لئے عارضی تربیتی سیٹ اپ پر ناراضی کا اظہار کردیا، مقمای میڈیا کی رپورٹ کے مطابق بھارتی ٹیم نے بدھ کی دوپہر کو عارضی مقام پر چھ میں سے تین ڈراپ ان پچز کا استعمال کرتے ہوئے پریکٹس کی۔ 
تفصیلات کے مطابق بھارتی کرکٹ ٹیم نے نیویارک میں کانٹیگ پارک میں ٹی 20 ورلڈ کپ 2024 کے لئے اپنی تیاریاں شروع کر دی ہیں۔ تاہم، رپورٹس کے مطابق، وہ پریکٹس کے لیے فراہم کی گئی سہولیات سے ناخوش ہیں۔ 
ایک بھارتی میڈیا رپورٹ کے مطابق، ہیڈ کوچ راہول ڈریوڈ نے پارک کی "اوسط" معیار کی سہولیات پر ناراضگی کا اظہار کیا ہے۔ 
بھارتی ٹیم نے بدھ کی دوپہر کو عارضی مقام پر چھ میں سے تین ڈراپ ان پچز کا استعمال کرتے ہوئے پریکٹس کی۔ تاہم، ٹیم کے قریبی ذرائع نے اس مقام پر عارضی انتظامات پر عدم اطمینان کی اطلاع دی، جس میں پچز اور دیگر سہولیات شامل ہیں۔ 
آئی سی سی نے کہا کہ کانٹیگ پارک میں پریکٹس سہولیات کے بارے میں کسی بھی ٹیم کی جانب سے کوئی سرکاری شکایات یا خدشات نہیں اٹھائے گئے۔ 
روہت شرما اور ان کی ٹیم کانٹیگ پارک کی سہولیات کو استعمال کرتی رہے گی۔ یہ پارک ان کا بنیادی تربیتی مقام رہے گا، کیونکہ بھارت اپنے چار گروپ میچوں میں سے تین نیویارک میں کھیلے گا جس میں پاکستان، امریکہ اور آئرلینڈ کے خلاف میچز شیڈول ہیں، اس کے بعد فلوریڈا میں کینیڈا کے خلاف اپنا آخری گروپ میچ کھیلے گا۔ 
ناساؤ کاؤنٹی انٹرنیشنل کرکٹ اسٹیڈیم میں پریکٹس کے لیے سہولیات نہیں ہیں اور یہ خاص طور پر میچ کھیلنے کے لئے ترتیب دیا گیا ہے۔ اس کے نتیجے میں، آئی سی سی نے کانٹیگ پارک کو سرکاری تربیتی سہولت کے طور پر نامزد کیا ہے، حالانکہ یہ اسٹیڈیم سے کافی فاصلے پر واقع ہے۔ 
بھارت کی ٹیم:  
روہت شرما، ہاردک پانڈیا، یشسوی جیسوال، ویرات کوہلی، سوریاکمار یادو، رشبھ پنت، سنجو سیمسن، شیوم دوبے، رویندرا جڈیجہ، اکشر پٹیل، کلدیپ یادو، یزویندر چہل، ارشدیپ سنگھ، جسپریت بمراہ، محمد سراج پر مشتمل ہے۔