English

مصباح الحق اور محمد اکرم کو کوچنگ سیٹ اپ کا حصہ بنانے کا امکان

محمد اکرم کو بولنگ کوچ اور مصباح الحق کو بیٹنگ کوچ بنائے جانے کا امکان ہے

PHOTO: AFP

سابق کپتان مصباح الحق اور محمد اکرم کو نئے کوچنگ سیٹ اپ کا حصہ بنانے کا روشن امکان ہے۔

پی سی بی کے مجوزہ پلان کے مطابق مصباح الحق کو ہیڈ کوچ یا بیٹنگ کوچ کی ذمہ داریاں سونپی جاسکتی ہیں۔ بولنگ کوچ کے لیے پشاور زلمی کے ہیڈ کوچ اور سابق ٹیسٹ فاسٹ بولر محمد اکرم مضبوط امیدوار ہیں۔

ذرائع کے مطابق پی سی بی کے مجوزہ پلان کے مطابق ملکی کوچز اور غیر ملکی کوچز کو نئے سیٹ اپ کا حصہ بنایا جائے گا۔ ایک تجویز کے مطابق اگر اپنے معیار کے مطابق غیر ملکی ہیڈ کوچ سے معاملات طے نہ پا سکے تو مصباح الحق کو  بیٹنگ کوچ کے ساتھ ہیڈ کوچ کی  ذمہ داریاں دے دی جائیں گی۔

مصباح الحق  2017 میں ہر طرح کی انٹرنیشنل کرکٹ سے الگ ہو گئے تھے۔ پی سی بی نئی تعیناتیوں کے لئے جلد اخبارات میں اشتہار جاری کرے گا۔