سابق کپتان مصباح الحق نے ٹیم مینجمنٹ کو مشورہ دیا کہ مثالی اوپننگ جوڑی میں دائیں اور بائیں ہاتھ کے بلے بازوں کا امتزاج ہونا چاہیے تاکہ ٹیم کو زیادہ سے زیادہ اثرانگیز بنایا جا سکے۔
١٦ مئی ٢٠٢٤
قومی ٹیم کے سابق کپتان مصباح الحق نے ٹی 20 ورلڈ کپ 2024 کے لیے اپنی مثالی پاکستانی اوپننگ جوڑی کا اعلان کردیا۔
پاکستان کے سابق کپتان مصباح الحق نے اگلے ماہ امریکہ اور ویسٹ انڈیز میں ہونے والے ٹی ٹوئنٹی ورلڈ کپ کے لیے پاکستان کے جانب سے اوپنرز کے بارے میں اپنی بصیرت کا اشتراک کیا ہے۔
ایک اسپورٹس چینل کے ساتھ ایک حالیہ انٹرویو میں، مصباح الحق نے مشورہ دیا کہ مثالی اوپننگ جوڑی کو ٹیم کی اثر انگیزی کو زیادہ سے زیادہ کرنے کے لیے دائیں اور بائیں ہاتھ کے بلے بازوں کے امتزاج پر مشتمل ہونا چاہیے۔ سابق کپتان نے کہا کہ موجودہ اوپنر صائم ایوب کو مسلسل پرفارمنس دینے میں چیلنجز کا سامنا ہے۔
اس موقع پر انہوں نے ایک مختلف نقطہ نظر کی تجویز پیش کی اورایسی اوپننگ جوڑی بنانے کی وکالت کی جہاں صائم ایوب کو بابر اعظم یا محمد رضوان میں سے کسی ایک کی طرف سے مکمل کیا جا سکتا ہے۔
ان کا کہنا تھا "مجھے لگتا ہے کہ بہترین اوپننگ کمبی نیشن، ٹیم کو دیکھتے ہوئے، دائیں اور بائیں مجموعہ ہوگا۔ یہ مثالی ہوگا۔ اس وقت صائم ایوب اوپنر کا کردار ادا کر رہے ہیں، جو اس وقت ڈیلیور نہیں کر پارہے۔ مجھے لگتا ہے کہ مختلف قسم کے کھلاڑی ہونے چاہئیں جیسے ایک سرے پر صائم ہوں اور دوسرے سرے پر بابر یا رضوان ہوں تو ایک دوسرے کی اچھی طرح تکمیل کر سکتے ہیں۔”
آئندہ ماہ سے امریکا میں شروع ہونے والے میگا ایونٹ میں پاکستان کا سفر ڈیلاس سے شروع ہو رہا ہے، جہاں وہ 6 جون کو شریک میزبان امریکا کے ساتھ مقابلہ کرے گا، اس کے بعد 9 جون کو بھارت اور 12 جون کو کینیڈا کے خلاف میچ گرین شرٹس کے میچز نیویارک میں ہوں گے۔ ان کا آخری لیگ میچ آئرلینڈ کے خلاف 16 جون کو فلوریڈا میں ہونا ہے۔
پاکستان کا ٹی 20 ورلڈ کپ 2024 کا شیڈول:
پاکستان بمقابلہ امریکہ 6 جون (ڈلاس)
بھارت بمقابلہ پاکستان 9 جون (نیویارک)
پاکستان بمقابلہ کینیڈا 11 جون (نیویارک)
پاکستان بمقابلہ آئرلینڈ 16 جون (لاڈر ہل)
