نیدرلینڈز، امریکا اور کینیڈا نے 3 فریقی سیریزکے لیے اسکواڈزکا اعلان کردیا

کرکٹ ورلڈ کپ لیگ 2 میں آئندہ سہ فریقی سیریز کے لیے اسکواڈز کی تصدیق کر دی گئی ہے جس میں نیدرلینڈز، امریکہ اور کینیڈا شامل ہیں۔
یو ایس اے کرکٹ ٹیم نے ہالینڈ کے دورے کے لیے اپنے او ڈی آئی اسکواڈ میں اہم تبدیلیوں کا اعلان کیا ہے، خاص طور پر ٹی20 ورلڈ کپ سے ان کے اسٹینڈ آؤٹ کھلاڑی سوربھ نیتراولکر کو چھوڑ کر، جنہیں اپنے پہلے بچے کی پیدائش کے بعد والدین کے لیے مختص چھٹی دی گئی ہے۔ اسی طرح ورلڈ کپ کے ایک اور اسٹار وکٹ کیپر بلے باز اینڈریز گوس بھی والدین کے لیے مختص چھٹی کے باعث سیریز سے باہر ہو جائیں گے۔ 
نیتراولکر کے علاوہ سلیکشن کمیٹی نے ٹی20 ورلڈ کپ کی ٹیم میں مزید چار تبدیلیاں کی ہیں۔ اپنی بیٹنگ سے مایوس کن کارکردگی دکھانے والے کوری اینڈرسن کو ٹیم سے باہر کردیا گیا ہے۔ 
نیدرلینڈز کو اپنے حالیہ آئی سی سی مینزٹی20 ورلڈ کپ اسکواڈ سے کئی اہم کھلاڑیوں کی کمی محسوس ہوگی، جن میں تیجا ندامانورو، باس ڈی لیڈے، لوگن وین بیک، ٹم پرنگل اور فریڈ کلاسن شامل ہیں۔
مزید برآں، تجربہ کار آل راؤنڈر روئیلوف وین ڈیر مروے اور کلیدی بلے باز کولن ایکرمین ایک بار پھر اسکاٹ ایڈورڈز کی جانب سے غیر حاضر ہیں۔ تاہم احمد بھائی موسیٰ اور شاریز کو واپس بلا لیا گیا ہے۔ 
کینیڈا، جس نے گزشتہ ماہ اپنے اسکواڈ کا اعلان کیا تھا، اس کی قیادت نئے کپتان نکولس کرٹن کریں گے، جو اپنی جارحانہ بلے بازی کے لیے مشہور ہیں۔ انہوں نے سعد بن ظفر سے عہدہ سنبھالا ہے، جنہوں نےٹی 20 ورلڈ کپ کے دوران کینیڈین ٹیم کی قیادت کی تھی۔ 
سہ فریقی سیریز 11 اگستسےو ووربرگ میں شروع ہوگی جس کے پہلے میچ میں ہالینڈ کا مقابلہ کینیڈا سے ہوگا۔ تینوں ٹیموں کے درمیان گیارہ دنوں کے دوران کل چھ ون ڈے میچزکھیلے جائیں گے۔ 
نیدرلینڈز کا اسکواڈ:
اسکاٹ ایڈورڈز (کپتان)، موسیٰ احمد، شاریز احمد، ویزلی بیریسی، نوح کروز، آرین دت، اولی ایلنباس، کلیٹن فلائیڈ، ویو کنگما، کائل کلین، ریان کلین، مائیکل لیویٹ، میکس او ڈاؤڈ، وکرم سنگھ، پال وین میکرین۔
ریزرو کھلاڑیوں میں: ڈینیل ڈورم۔ 
امریکہ کا اسکواڈ:
مونانک پٹیل (کپتان)، آرون جونز، اسمیت پٹیل، ابھیشیک پراڈکر، ہرمیت سنگھ، جوانوئے ڈریسڈیل، جسدیپ سنگھ، ملند کمار، نوتھوشا کینجیگے، سیٹیجا مکملا، اسٹیون ٹیلر، شایان جہانگیر، شیڈلی وان شالکوک اور اتکرش سریوا محمد۔ 
کینیڈا کا اسکواڈ:
نکولس کرٹن (کپتان)، ایرون جانسن، دلون ہیلیگر، دلپریت باجوہ، ہرش ٹھاکر، جیریمی گورڈن، جنید صدیقی، کلیم ثنا، کنورپال تتھگور، نونیت دھالیوال، پرگٹ سنگھ، رویندرپال سنگھ، رشیو جوشی، سعد بن ظفر اور شریاس مووا۔